36
Almaniyada keçirilən IEM Cologne 2025 CS2 turnirində FaZe Clan inamlı qələbə ilə növbəti mərhələyə yüksəlib. Finn “karrigan” Andersenin rəhbərlik etdiyi komanda B qrupunun aşağı səviyyəli mərhələsində Team Liquid-ə qarşı 2:0 hesabı ilə qalib gəlib.
Kartlarda tam üstünlük
FaZe hər iki xəritədə rəqibinə şans tanımayıb:
- Mirage – 13:6
- Ancient – 13:2
Bu məğlubiyyət nəticəsində Team Liquid turnirlə vidalaşdı. Kamil “siuhy” Şkaradek və komanda yoldaşları yarışda 13–16-cı yeri tutaraq 10 min dollar mükafatla kifayətləndilər.
Növbəti rəqib: Spirit – Aurora cütünün məğlubu
FaZe Clan-ın növbəti mərhələdəki rəqibi Team Spirit – Aurora Gaming cütünün uduzan komandası olacaq. Qeyd edək ki, IEM Cologne 2025 turniri 1 milyon dollar mükafat fondu ilə 3 avqusta qədər davam edəcək.
