3
Cənubi Koreya təmsilçisi KT Rolster, League of Legends üzrə Worlds 2025 turnirinin dörddəbir finalında CTBC Flying Oyster komandasına qarşı inamlı qələbə qazanıb. Qarşılaşma 3:0 hesabı ilə yekunlaşıb.
KT bu turnirdə hələ də heç bir xəritədə məğlub olmayıb. Komandanı növbəti mərhələdə Gen.G Esports ilə qarşılaşma gözləyir. Yarımfinal 1 noyabr tarixində, Bakı vaxtı ilə saat 10:00-da keçiriləcək.
CTBC Flying Oyster isə turniri 5–8-ci yerlər arasında başa vurub və 300 min ABŞ dolları mükafat qazanıb.
Worlds 2025 pley-off mərhələsi
Turnir 14 oktyabr – 9 noyabr tarixlərində keçirilir. Oyunlar Çinin üç şəhərində — Çendu, Şanxay və Pekində baş tutur. Ümumi mükafat fondu 5 milyon ABŞ dolları təşkil edir.
