0
Məşhur Linkin Park qrupu gələcək “From Zero” albomundan yeni bir mahnı təqdim edib. “Heavy Is The Crown” adlı mahnı qeyri-adi bir statusla debüt edib: bu mahnı League of Legends üzrə Worlds çempionatının rəsmi himni olacaq.
“Heavy Is The Crown” mahnısının canlı ifası Hamburqda keçirilən konsertdə təqdim olunub, mahnıya aid klip isə Riot Games tərəfindən League of Legends üslubunda çəkilib. Klibin yaradılmasında Linkin Park-ın yeni vokalisti Emili Armstrong da iştirak edib.
2024-cü il League of Legends üzrə Dünya Çempionatı 25 sentyabrdan 2 noyabra qədər keçiriləcək. Seçmə oyunları London, Paris və Berlində baş tutacaq və dünyanın ən yaxşı iyirmi komandası turnirdə iştirak edəcək.
