12
Çinin League of Legends üzrə LPL 2025 Split 2 turnirində “Ascend” qrup mərhələsinin Rumble hissəsində demək olar ki, bütün BO3 qarşılaşmaları başa çatıb. Artıq pley-offa birbaşa vəsiqə qazanan komandalar və “Knight Rivals” mərhələsində BO5 formatında mübarizə aparacaq kollektivlər bəllidir.
Birbaşa pley-offa çıxanlar
Aşağıdakı dörd komanda ən yaxşı nəticə ilə Knockout Stage-ə birbaşa vəsiqə əldə edib:
- TOP Esports — 15 qələbə, 3 məğlubiyyət
- Anyone’s Legends — 13 qələbə, 5 məğlubiyyət
- BiliBili Gaming (BLG) — 12 qələbə, 6 məğlubiyyət
- JD Gaming (JDG) — 12 qələbə, 6 məğlubiyyət
“Knight Rivals” mərhələsində BO5 döyüşləri
Digər komandalar isə pley-offa yüksəlmək üçün aşağıdakı cütlər üzrə BO5 formatında mübarizə aparacaqlar:
- Invictus Gaming – EDward Gaming
- Ninjas in Pyjamas – FunPlus Phoenix
- LGD Gaming – Team WE – Weibo Gaming matçının qalibi (22 may)
- Team WE – Weibo Gaming matçının məğlubu – ThunderTalk Gaming
Bu mərhələnin ilk qarşılaşmaları 24 may tarixində start götürəcək.
Turnir haqqında ümumi məlumat
LPL 2025 Split 2 turniri 22 mart – 14 iyun tarixlərini əhatə edir. Ümumi mükafat fondu 2,5 milyon Çin yuanı təşkil edir. Finala çıxan iki komanda:
- Kanada, Vankuverdə keçiriləcək MSI 2025 turnirinə
- Səudiyyə Ərəbistanının Ər-Riyad şəhərində baş tutacaq Esports World Cup 2025-ə vəsiqə qazanacaq.
