PUBG Mobile və Mobile Legends üzrə Esports World Cup 2025-in formatı və dəvət sistemi açıqlanıb

Esports World Cup 2025 turniri çərçivəsində keçiriləcək PUBG Mobile World Cup və Mobile Legends: Bang Bang üzrə yarışların formatı, iştirakçı siyahısı və mükafat fondu təqdim edilib. Turnir bu yay 7 iyul – 25 avqust tarixlərində Səudiyyə Ərəbistanının Ər-Riyad şəhərində baş tutacaq.

PUBG Mobile World Cup 2025

Turnirin ümumi mükafat fondu 3 milyon ABŞ dolları təşkil edəcək. Yarışda 24 komanda iştirak edəcək və onlar aşağıdakı şəkildə seçiləcək:

• 1-ci mövsümün Avropa reytinqində ilk 3 yeri tutan komandalar
• 1-ci mövsümün Amerika reytinqindən Top-3 komanda
• Mərkəzi və Şərqi Asiya bölgəsinin ilk 3 komandası
• Yaxın Şərq bölgəsinin ilk 3 komandası
• 2-ci mövsümün Cənub-Şərqi Asiya reytinqində ilk 3 komanda
• Wildcard turnirindən 1 Cənub-Şərqi Asiya komandası
• Pro Series Korea turnirinin qalibi
• Yaponiya liqasının çempionu
• Rivals Cup – Japan vs Korea yarışının qalibi
• PUBG Mobile Global Open 2025 (Daşkənd, Özbəkistan) turnirinin qalibi
• Çin üzrə Peacekeeper Elite League 2025 turnirindən ilk 2 yer
• Saudi eLeague x PMNC KSA 2025 – Major 1 turnirinin qalibi
• Təşkilatçıların xüsusi dəvəti ilə seçilən 1 komanda

Yarış 3 mərhələdə keçiriləcək:

1. Group Stage – Buradan ilk 8 komanda birbaşa Grand Finala vəsiqə qazanacaq.
2. Qalan 16 komanda Survival Stage mərhələsində mübarizəni davam etdirəcək.
3. Survival Stage-dən də ilk 8 komanda Grand Final-a yüksələcək.

Mobile Legends: Bang Bang turniri

Bu turnirdə də 24 komanda iştirak edəcək. Əsas mərhələdə aşağıdakı komandalar yer alacaq:

• İndoneziya liqasının ilk 2 komandası (bu liqada NAVI-nin MLBB komandası da var)
• Filippin liqasının 2 ən güclü komandası
• Malayziya liqasından 2 komanda
• Aşağıdakı bölgələrin hər birindən 1 komanda:
  • Kamboca
  • Çin
  • Şərqi Avropa və Mərkəzi Asiya
  • Yaxın Şərq
  • Latın Amerikası
  • Myanmar
  • Şimali Amerika
  • Sinqapur

Wildcard mərhələsində isə bu bölgələrdən hər birindən 1 komanda mübarizə aparacaq:

• Monqolustan
• Vyetnam
• Mekonq bölgəsi
• Yaxın Şərq
• Latın Amerikası
• Yaponiya
• Şərqi Avropa və Mərkəzi Asiya
• Çin

Wildcard mərhələsinin yalnız bir qalibi əsas mərhələyə yüksələcək.