Fransanın oyun studiyası Sloclap, hazırladığı yeni futbol simulyatoru Rematch üçün dünya şöhrətli futbol əfsanəsi Ronaldinyonun layihəyə səfir kimi qoşulduğunu elan edib.
Şirkətin rəsmi sosial media hesablarında yayılan məlumata görə, Ronaldinyo təkcə oyunun tanıtım siması yox, həm də Rematch oyunundakı ilk start heyətinin üzvü olacaq. Studiyanın paylaşdığı videoda ulduz futbolçu Sloclap ofisini ziyarət edir, yaradıcı heyətlə tanış olur və oyunun hazırlanma prosesini izləyir.
Daha kimlər olacaq?
Rematch oyununda Ronaldinyodan əlavə, artıq iki məşhur futbolçunun da iştirak edəcəyi rəsmən təsdiqlənib:
- “Barselona”nın qapıçısı
- “Mançester Yunayted”in yarımmüdafiəçisi Kobbi Meynu
Bu seçimlər oyunun həm nostalji, həm də müasir ulduzları bir araya gətirəcəyini göstərir.
Oyun nə vaxt çıxacaq?
Rematch oyununun rəsmi buraxılış tarixi 19 iyun 2025-ci il olaraq elan olunub. Gözlənilir ki, oyun yeni nəsil futbol simulyatorları arasında özünəməxsus yer tutsun və həm klassik, həm də müasir futbolsevərlərin marağını cəlb etsin.
