3
Team Falcons Dota 2 üzrə keçirilən FISSURE PLAYGROUND 2 turnirinin finalında BetBoom Team üzərində qələbə qazanaraq çempion titulunu əldə edib.
Final qarşılaşması 3:1 hesabı ilə yekunlaşıb. BetBoom Team yalnız ilk xəritədə üstünlük əldə edə bilib. Son oyun 56 dəqiqə 45 saniyə davam edib və Falcons komandasının uğurlu kambek cəhdi ilə başa çatıb.
Qələbə sayəsində Team Falcons Belqraddakı səhnədə kuboku qaldırıb və 300 min ABŞ dolları mükafat qazanıb. BetBoom Team isə ikinci yeri tutaraq 150 min dollar mükafat əldə edib.
FISSURE PLAYGROUND 2 turniri 23 oktyabr – 2 noyabr tarixlərində Serbiyanın Belqrad şəhərində LAN formatında keçirilir. Ümumi mükafat fondu 1 milyon ABŞ dolları təşkil edir və yarışda 16 komanda iştirak edir.
