102
“BLAST Open Rotterdam” turnirinin növbəti günü kiberidman həvəskarları üçün gözlənilməz və şok edici nəticələrlə yekunlaşıb. Favorit hesab olunan bir neçə köklü klubun mübarizəni dayandırması günün əsas mövzusuna çevrilib.
Artıq pley-off mərhələsinə vəsiqə qazanan və turnirdən kənarlaşan komandaların adları məlumdur:
- Pley-offa yüksəldilər: PARIVISION və Vitality
- Turniri tərk etdilər: MOUZ və NIP (Ninjas in Pyjamas)
Günün bütün nəticələri:
- Liquid 2:1 NIP: Gərgin keçən qarşılaşmada “Liquid” rəqibini üstələyərək NIP-i turnirdən kənarlaşdırıb.
- 9z 2:1 MOUZ: Günün bəlkə də ən böyük sürprizi bu matçda qeydə alınıb. “9z” komandası güclü MOUZ kollektivinə qalib gələrək onları evə göndərib.
- PARIVISION 2:0 Spirit: PARIVISION “Spirit” üzərində inamlı qələbə qazanaraq pley-off vəsiqəsini rəsmiləşdirib.
- Vitality 2:0 The Mongolz: “Vitality” Monqolustan təmsilçisinə şans verməyərək seriyanı təmiz qələbə ilə başa vurub.
