Braziliyanın Team Liquid Brazil qadın Valorant heyəti Game Changers Championship 2025-də çempionluq titulunu qazanıb. Turnirin böyük finalında komanda Shopify Rebellion Gold-u gərgin beşxəritəlik seriyada 3:2 hesabı ilə məğlub edib.
Seriya belə keçib: əvvəlcə TL Brazil Haven xəritəsində 11:13 hesabı ilə uduzsa da, Pearl-də 13:11, ardından Bind-də 13:10 hesabı ilə önə keçib. Shopify Rebellion Sunset-də 6:13 hesabı ilə cavab versə də, həlledici Split xəritəsində Liquid qalib gəlib — 13:8.
Çempionluğa görə Team Liquid Brazil komandası 180 min dollar mükafat qazanıb, finalın məğlubu Shopify Rebellion Gold isə 100 min dollar ilə kifayətlənib.
Game Changers Championship 2025 turniri 20–30 noyabr tarixlərində Cənubi Koreyanın Seul şəhərində keçirilib. Yarışda ümumilikdə 500 min dollarlıq mükafat fondu uğrunda mübarizə aparılıb.
