PUBG: BATTLEGROUNDS üzrə keçirilən PUBG Global Series 6 (PGS 6) turnirində Twisted Minds komandası qalib gəlib. Gərgin keçən 18 matçda Twisted Minds oyunçuları 115 öldürmə həyata keçirərək 171 xal topladılar. Qeyd edək ki, Twisted Minds əvvəlki iki PGS mövsümündə də çempionluq qazanmışdı.
Turnirdə ikinci yeri Çinin 17 Gaming komandası 135 xalla tutdu, üçüncü pillədə isə TSM komandası 127 xalla yer aldı. Ümumi sıralamada dördüncü yer Gen.G komandasına, beşinci yer isə CERBERUS Esports-a məxsus oldu.
Twisted Minds qalibiyyətinə görə 100 min ABŞ dolları və 300 PGS xalı qazandı. Gümüş mükafatçı 17 Gaming komandası isə 40 min dollar və 180 xal əldə etdi.
PUBG Global Series 6 turniri 4-10 noyabr tarixlərində Tailandın Bangkok şəhərində keçirildi və yarışda dünyanın müxtəlif regionlarından 24 komanda iştirak etdi. Turnirin ümumi mükafat fondu 300 min dollar təşkil edirdi.
Turnir cədvəli
Mükafat paylanması
