Riot Games şirkəti VALORANT-da yeni müvəqqəti tədbir olan Night Queue sınağının başladığını elan etdi. 4-23 mart 2026-cı il tarixləri arasında davam edəcək bu tədbirdə oyunçular müxtəlif tapşırıqları yerinə yetirərək eksklüziv kosmetik əşyalar qazana bilərlər.
İştirak etmək üçün oyunçular Riot Games hesabı ilə tədbirin rəsmi saytında qeydiyyatdan keçməlidirlər. Sınaq iki mərhələdən ibarətdir.
1-ci Mərhələ: Warming Up (4 – 14 mart)
Hədəf: Ümumilikdə 500 xal toplamaq. Mükafat: “Hari Raya Homecoming” oyunçu kartı.
Xal qazanma yolları:
- Qələbə/Məğlubiyyət: İstənilən rejimdə tamamlanan hər matç üçün 1 xal.
- Kill (Öldürmə): Hər öldürmə üçün 1 xal.
- Kreditlər: Xərclənən hər 10.000 kredit üçün 15 xal.
- Dostlarla oyun: Dostlarla birlikdə oynadıqda əlavə 1 xal.
- Yaradıcılıq: “WINGMAN’s Corner” sınağında iştirak (20 xal).
2-ci Mərhələ: Night Owl (14 – 23 mart)
Hədəf: Ümumilikdə 500 xal toplamaq. Mükafat: “Last Round Before Dawn” oyunçu kartı.
Xal qazanma yolları:
- Headshot: Bir matçda 15 və ya daha çox başdan vuruş üçün 15 xal.
- Spayk: Komandanın hər spayk qurması və ya imhası üçün 5 xal.
- Qazanılan raundlar: Hər 10 qalib raund üçün 15 xal.
- Dostlarla oyun: Əlavə xal imkanı.
- Yaradıcılıq: “WINGMAN’s Corner” sınağında iştirak (20 xal).
“WINGMAN’s Corner” Müsabiqəsi
Oyunçular TikTok-da xüsusi “WINGMAN” effekti ilə qısa videolar (15-60 saniyə) paylaşaraq müsabiqəyə qoşula bilərlər. Təsdiqlənmiş videoların sahiblərinə eksklüziv “Alarmboi Out” qraffitisi veriləcək.
Əsas qaydalar:
- Videoda yalnız müraciət edən müəllif görünməlidir.
- Müəllif hüququ ilə qorunan musiqidən istifadə qadağandır.
- Videoda Discord və ya digər messencerlərin çatları görünməməlidir.
- Təhqiredici və ya zərərli məzmun qadağandır.
Qazanılan bütün mükafatları “For The Win” platformasındakı profil bölməsində yerləşən “Rewards” nişanından əldə etmək olar.
