VALORANT üzrə Esports World Cup 2025 turnirinə vəsiqə qazanan komandalar artıq müəyyənləşib. Qlobal regionlarda baş tutan seçmə mərhələlərin nəticələrinə əsasən yarışda mübarizə aparacaq 16 komandanın adları açıqlanıb.
Dörd region – 16 ən güclü komanda
Turnirdə dünyanın əsas dörd regionunu təmsil edən komandalar çıxış edəcək. Hər regiondan dörd komanda olmaqla, aşağıdakı siyahı formalaşıb:
Amerika:
- G2 Esports
- Sentinels
- NRG
- 100 Thieves
Çin:
- XLG Esports
- Bilibili Gaming
- EDward Gaming
- Titan Esports Club
EMEA (Avropa, Yaxın Şərq və Afrika):
- Fnatic
- Team Heretics
- BBL
- Karmine Corp
Sakit okean regionu:
- Rex Regum Qeon
- Gen.G
- Paper Rex
- DRX
Turnir formatı və məkan
VALORANT üzrə Esports World Cup 2025 turniri 8–13 iyul tarixlərində Səudiyyə Ərəbistanının Ər-Riyad şəhərində baş tutacaq. Yarışın ümumi mükafat fondu 1.25 milyon ABŞ dolları təşkil edir.
Turnirin əvvəlində 16 komanda 4 qrupa bölünəcək. Hər qrupdan ilk iki yerin sahibləri pley-off mərhələsinə vəsiqə qazanacaq. Burada isə Single-Elimination (məğlub olan komandaların dərhal turnirdən çıxdığı) format tətbiq olunacaq.
VALORANT azarkeşləri iyul ayında keçiriləcək bu beynəlxalq tədbirdə ən güclü komandaların toqquşmasına şahidlik edəcəklər.
