Braziliyanın məşhur kiberidman təşkilatı MIBR, CS2 heyətindəki dəyişiklikləri “X” platformasında paylaşdığı yaradıcı musiqi videosu ilə elan edib. Komanda heyətinə iki yeni oyunçu və yeni baş məşqçi cəlb edib.
MIBR-in yeni transferləri:
LNZ (Linus Holtstrem): Bir müddət “HEROIC” komandasının ehtiyat oyunçular skamyasında yer alan isveçli kiberidmançı artıq MIBR-in uğurları üçün tər tökəcək.
venomzera: “RED Canids” komandasından transfer edilən 21 yaşlı braziliyalı istedad heyətin hücum gücünü artıracaq.
LETN1 (Nestor Taniç): Komandanın yeni baş məşqçisi vəzifəsinə “G2 Academy”nin keçmiş koçu gətirilib.
Yeni oyunçular Yeni il bayramından sonra komandadan ayrılan exit və Qikert-i əvəz edəcəklər. MIBR bu dəyişikliklərlə 2026-cı il mövsümündə beynəlxalq arenada daha rəqabətədavamlı olmağı hədəfləyir.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
