Disney şirkəti Steam platformasından aralarında Hercules, Cars, Toy Story Mania və Finding Nemo kimi məşhur layihələrin də olduğu 14 oyununu kənarlaşdırıb. Şirkət hələlik bu addımın səbəbləri ilə bağlı heç bir rəsmi açıqlama verməyib.
Sözügedən oyunlar kifayət qədər köhnədir və Disney-in tanınmış franşizalarına əsaslanır. Məsələn, Disney’s Hercules, Disney Toy Story Pack və digərləri bura daxildir. Ekspertlərin fikrincə, bu qərarın lisenziya müddəti ilə bağlı olması ehtimalı azdır, çünki bu oyunlar fərqli studiyalar tərəfindən müxtəlif illərdə hazırlanıb.
“14 müxtəlif oyunun lisenziyasının eyni vaxtda başa çatması demək olar ki, qeyri-mümkündür”, — deyə mütəxəssislər qeyd edirlər.
Ehtimal olunur ki, Disney bu oyunların yenidən nəşrini (remaster və ya remake) planlaşdırır. Bu vəziyyət klassik oyunlarını yenilənmiş versiyalara hazırlamaq üçün platformadan silən Sega-nın təcrübəsini xatırladır.
Steam-dən silinən oyunların tam siyahısı:
- Phineas and Ferb: New Inventions
- Disney’s Hercules
- Stunt Island
- Afterlife
- Disney Cars
- Cars: Radiator Springs Adventure
- Disney Toy Story Pack
- Toy Story Mania
- Disney Winnie the Pooh
- Disney Flight and Racing
- Disney Planes
- Armed and Dangerous
- Chicken Little: Ace In Action
- Finding Nemo
