“BC.Game” YouTube kanalına verdiyi müsahibə zamanı komandanın yeni oyunçusu Ayuş “mzinho” Batbold transferinin səbəbləri, beynəlxalq heyətə uyğunlaşması, s1mple, electroNic və Magisk ilə birgə çıxışı, həmçinin qarşıdakı mövsüm üçün hədəfləri haqqında danışıb.
Moğol oyunçunun sözlərinə görə, “The MongolZ” komandasından ayrılmaq qərarı heyətdə gözlənilən dəyişikliklərdən xəbərdar olduqdan sonra yaranıb. Məhz həmin vaxt o, özünü beynəlxalq səhnədə sınamaq vaxtının gəldiyini düşünüb.
«Növbəti mövsümdə komandada dəyişikliklərin olacağını bilirdim. Düşündüm ki, madəm hər şey yenidən başlayır, niyə də beynəlxalq heyətdə şansımı sınayıb yeni təcrübə qazanmayım?» — Ayuş “mzinho” Batbold
O, həmçinin etiraf edib ki, bu transferdə “The MongolZ”dakı keçmiş komanda yoldaşı Senzu mühüm rol oynayıb — belə ki, Senzu onu dəfələrlə “BC.Game”ə dəvət edib.
«Senzu mənə yenidən yazdı və dedi: “Bu mövsüm sənə sonuncu dəfə təklif edirəm”. Yekunda hər şey üst-üstə düşdü və mən razılaşdım». — Ayuş “mzinho” Batbold
Major Çempionları İlə Çıxış Etmək
Oyunçu xüsusi olaraq qeyd edib ki, əvvəllər Major çempionu olmuş s1mple, electroNic və Magisk kimi təcrübəli kiberidmançılarla çiyin-çiyinə mübarizə aparmaq onun üçün böyük şərəfdir.
«BC.Game-də s1mple, electroNic və Magisk var. Hər üçü Major çempionudur, buna görə də onların yanında oynamaq və təcrübə toplamaq mənim üçün böyük sevincdir». — Ayuş “mzinho” Batbold
Eyni zamanda o, ingilis dilində ünsiyyətdə ciddi çətinlik çəkmədiyini bildirib, çünki əvvəllər də tez-tez beynəlxalq heyətlərlə qarışıq oyunlar keçirib.
Avropaya Köç və Daha Çox Məşq
Yaxın vaxtlarda mzinho və Senzu Avropaya köçəcəklər. Oyunçunun fikrincə, bu addım komandanın hazırlıq prosesini əhəmiyyətli dərəcədə yaxşılaşdıracaq.
«Avropaya köçmək bizə daha fəal məşq etməyə imkan verəcək. Bu bizim üçün yeni təcrübədir, lakin eyni zamanda daha çox məşq etmək imkanıdır». — Ayuş “mzinho” Batbold
Keçmiş Komandasına Qarşı Oynamaq Arzusu və Mövsüm Hədəfləri
mzinho mövsüm üzrə şəxsi hədəfləri arasında “BC.Game”in dünya reytinqində ilk 15-liyə daxil olmasını və iri turnirlərə birbaşa dəvət almasını qeyd edib. Daha uzaq perspektivdə isə o, komandanı dünyanın ən yaxşı 10 kollektivi arasında görmək istəyir.
«Bu mövsüm üçün hədəfimiz ən azı top-15-ə düşmək və turnirlərə birbaşa dəvətlər almaqdır. Daha qlobal danışsaq — komandanı top-10-da görmək istəyirəm». — Ayuş “mzinho” Batbold
O, ən çox keçmiş komandası ilə serverdə qarşılaşmaq imkanını gözlədiyini vurğulayıb:
«Ən çox The MongolZ-a qarşı oynamaq istəyirəm. Keçmiş komanda yoldaşlarımla qarşılaşmaq xüsusi bir təcrübə olacaq». — Ayuş “mzinho” Batbold
