“Gen.G Esports” komandası “Hanwha Life Esports” (HLE) kollektivini 3:1 hesabı ilə məğlub edərək “LoL Champions Korea 2026” turnirinin çempionu olub. Bu, komandanın son dörd ildə qazandığı 6-cı tituldur. 13 sentyabr bazar günü keçirilən böyük finalda ilk oyunda məğlub olmasına baxmayaraq, Çon “Chovy” Çji Xun, Kim “Canyon” Qon Bu və Pak “Ruler” Çje Hyukun rəhbərlik etdiyi heyət ardıcıl üç qələbə qazanaraq MSI-ın hazırkı çempionlarını üstələyib.
MVP mükafatları və “T1″in mübarizədən kənarlaşdırılması
Sentyabrın 12-də aşağı torun finalında Li “Faker” San Hyokun rəhbərlik etdiyi “T1” komandasını turnirdən kənarlaşdıran HLE finala yüksək formada daxil olsa da, “Gen.G”yə qarşı həlledici oyunda məğlubiyyətlə barışmalı oldu.
Mövsümün yekunlarına əsasən, Chovy müntəzəm mövsümün MVP-si, Ruler isə böyük finalın üç həlledici xəritəsindəki parlaq çıxışına görə final seriyasının MVP-si adına layiq görülüb.
Lliqadakı dominasiya və “Worlds 2026” vəsiqələri
Bu zəfər “Gen.G”nin Cənubi Koreyanın ən güclü komandası statusunu bir daha təsdiqlədi. Son dörd ildə təşkilatın aktivinə 6 LCK titulu, 2 MSI kuboku, “Esports World Cup 2025” və “LCK Cup 2026” qələbələri yazılıb. Yerli liqada tam dominasiya etməsinə baxmayaraq, “Gen.G” üçün əsas hədəf hələ də qazana bilmədiyi Dünya Çempionatı (“Worlds”) olaraq qalır.
Cənubi Koreya regionundan Worlds 2026 turnirinə vəsiqə qazanan 4 komanda müəyyənləşib:
- Gen.G (1-ci kasset / seed)
- Hanwha Life Esports
- T1
- Dplus
