Cənubi Koreyanın kiberidman nəhəngi “Gen.G” “League of Legends” üzrə 2026-cı il dünya çempionatının (“Worlds 2026“) dörddəbir finalında Şimali Amerika təmsilçisi “LYON” üzərində inamlı qələbə qazanıb.
Seriya Asiya nəhənginin serverdəki mütləq üstünlüyü şəraitində keçib və 3:0 hesablı quru darmadağınla yekunlaşıb. Rəqibinə heç bir xəritədə ciddi müqavimət imkanı verməyən “Gen.G” yarımfinal mərhələsinə rahat adlayıb.
Məğlubiyyətə uğrayan “LYON” turnirlə vidalaşaraq çempionatı 5–8-ci pillələrdə başa vurub. Təşkilat üçün bu nəticə klub tarixinin ən böyük beynəlxalq nailiyyəti kimi qeydə alınıb. Eyni zamanda “LYON” dünya çempionatında Şimali Amerikanı (LCS/Americas) təmsil edən sonuncu komanda idi — onların gedişi ilə regionun cari mövsümdəki çıxışı rəsmən yekunlaşıb.
Yarımfinalda Asiya derbisi: Rəqib “Invictus Gaming”dir
Turnirin yarımfinal mərhələsinə vəsiqə qazanan “Gen.G” kuboka gedən yolda Çinin “Invictus Gaming” (iG) komandası ilə qarşılaşacaq. Xatırladaq ki, Çin nəhəngi əvvəlki mərhələdə güclü “Top Esports” kollektivini mübarizədən kənarlaşdırmağı bacarmışdı.
“Gen.G” ilə “Invictus Gaming” arasındakı prinsipial yarımfinal qarşılaşması 7 noyabr tarixində baş tutacaq.
