Nintendo Switch 2 Xüsusiyyətləri İnternetdə Yayılıb

Zuby_Tech ləqəbli insayder, Nintendo Switch 2 haqqında məlumatları internetdə yayımlayaraq yeni portativ konsol ətrafında müzakirələrə səbəb olub.

İnsayderin məlumatlarına görə, konsolun GPU performansı portativ rejimdə 1,72 TFLOPS, dok-stansiya ilə stasionar rejimdə isə 3 TFLOPS təşkil edəcək. CPU və operativ yaddaşın tezlikləri istifadə rejiminə görə dəyişəcək.

Nintendo Switch 2 Xüsusiyyətləri:

• CPU: 8 nüvəli ARM çipi, tezlik 1,1 GHz-ə qədər
• GPU: Nvidia T239 (Ampere arxitekturası), 1534 CUDA nüvəsi, 48 Tensor nüvəsi (3-cü nəsil), 2 Ray Tracing nüvəsi
• GPU Tezliyi: Portativ rejimdə 561 MHz, stasionar rejimdə 1007 MHz
• Operativ Yaddaş (RAM): 12 GB LPDDR5X (2 x 6 GB çip), tezlik 2133 MHz-dən 3200 MHz-ə qədər, ötürmə qabiliyyəti 68,26 Gbit/s-dən 102,40 Gbit/s-ə qədər

Qeyd: Nintendo Switch 2-nin təqdimatı 16 yanvar tarixində gözlənilir. Geymerlərin fikrincə, şirkət bu təqdimatda konsolun dizaynını və texniki xüsusiyyətlərini tam açıqlayacaq.

Dekabr ayında ikinci konsolun necə görünə biləcəyini göstərən fotoşəkillər internetə sızdı.