Valve şirkəti Steam platformasında ən çox satılan oyunların reytinqini yeniləyib.
Sid Meier’s Civilization VII buraxılışdan əvvəl Deluxe və Premium versiyalara sahib olan oyunçular üçün erkən girişdə olsa da, artıq 66 mindən çox istifadəçini cəlb edib. Bununla belə, oyunun ümumi reytinqi 51%-dən yuxarı qalxmır.
Oyunçular Civilization VII-nin sadələşdirilmiş mexanikaları, texniki problemləri və vizual dizaynına görə tənqid edirlər. Bəzi istifadəçilər interfeysin əvvəlki hissələrlə müqayisədə daha az funksional olduğunu bildirir və Firaxis Games tərəfindən gələcək yeniləmələri gözləməyi tövsiyə edirlər.
Buna baxmayaraq, Civilization VII satış həcminə görə Steam-də dördüncü pilləyə yüksəlib. Oyunun rəsmi buraxılışı 11 fevral tarixində PC, Xbox, PlayStation, Steam Deck və Nintendo Switch platformaları üçün planlaşdırılır.
Bu arada, Kingdom Come: Deliverance 2 satış reytinqində ikinci yerdə qərarlaşıb və artıq “2025-ci ilin oyunu” adına əsas namizədlərdən biri hesab olunur.
