11
Team Spirit analitiki Denis “sikle” Lermanın məlumatına görə, Valve şirkəti Dota 2 üçün yeni patç yayımlayıb və Dota Plus relikvləri sistemindəki ciddi bir xətanı aradan qaldırıb.
Lerman qeyd edib ki, artıq Dota Plus relikvlərinin irəliləyiş göstəriciləri heç kimə — o cümlədən rəqiblərə — görünmür. Əvvəllər bu səhv sayəsində oyunçular qarşı tərəfin qəhrəmanlarının şəxsi statistikasındakı dəyişiklikləri real vaxtda izləyə bilirdilər. Bu, məsələn, Phantom Lancer qəhrəmanını illüziyalar arasından ayırd etməyə imkan verirdi.
Səhvin düzəldilməsi 7.39e yeniləməsindən qısa müddət sonra baş verib. Həmin patçda The International 2025 turnirində populyar olan əşyalar və qəhrəmanlar üçün balans dəyişiklikləri edilmişdi.
