“Esports Foundation” və “ESL FACEIT Group” təşkilatları məşhur MOBA fənni “Dota 2″nin gələn il keçiriləcək “Esports World Cup 2027” (EWC 2027) kiberidman festivalının rəsmi yarış proqramında yer alacağını təsdiqləyiblər. Bu barədə məlumat mötəbər tədbirin rəsmi internet saytında dərc olunub.
Təşkilatçılar hələlik yarışın dəqiq formatı, iştirakçı komandaların sayı, təsnifat mərhələləri və mükafat fondu barədə ətraflı məlumatları ictimaiyyətlə bölüşməyiblər. Çempionatla bağlı bütün texniki detalların qarşıdakı aylarda təqdim olunacağı gözlənilir.
Dördüncü turnir və əvvəlki çempionlar
“Esports World Cup” brendi altında “Dota 2” yarışı artıq dördüncü dəfə təşkil olunacaq. Bundan əvvəlki buraxılışlarda bu nüfuzlu titula aşağıdakı kollektivlər sahib çıxıblar:
- Team Falcons
- Team Yandex
- Team Spirit
Xatırladaq ki, qlobal kiberidman sənayesinin ən böyük multidisplinar tədbirlərindən biri olan “Esports World Cup 2027” 2027-ci ilin yayında baş tutacaq.
