Çinin TYLOO komandası Esports World Cup 2025-in CS2 üzrə 1/8 finalında Nikolay “device” Ritsın rəhbərlik etdiyi Astralis üzərində qələbə qazanaraq növbəti mərhələyə adlayıb. Seriya 2:1 hesabı ilə TYLOO-nun xeyrinə başa çatıb.

Xəritələr üzrə nəticələr:

• Inferno — 8:13, Astralis qalib
• Overpass — 13:7, TYLOO qalib
• Train — 13:10, TYLOO qalib

Beləliklə, TYLOO 1/4 finalda Team Vitality – Team Liquid cütünün qalibi ilə qarşılaşacaq.

Turnir Ər-Riyadda keçirilir, mükafat fondu 1,25 milyon dollar təşkil edir. Yarışda 16 komanda mübarizə aparır, final isə 24 avqustda baş tutacaq.

Enjin “MAJ3R” Kupelinin komandası Aurora Gaming, Esports World Cup 2025-in CS2 üzrə 1/8 final mərhələsində FaZe Clan üzərində qələbə qazanıb. Görüş 2:1 hesabı ilə yekunlaşıb (Inferno — 6:13, Mirage — 13:3, Overpass — 13:7).

Finn “karrigan” Andersenin rəhbərlik etdiyi FaZe Clan turniri 9–16-cı yerlərdə başa vuraraq 20 min dollar mükafatla kifayətlənib.

Hazırkı mərhələdə turnirlə artıq aşağıdakı adlı-sanlı komandalar da vidalaşıb:

• GamerLegion
• Natus Vincere
• Astralis
• Team Liquid
• Team Spirit

Esports World Cup 2025-in ümumi mükafat fondu 1,25 milyon dollar təşkil edir. Aurora Gaming isə mübarizəsini 1/4 finalda Heroicə qarşı davam etdirəcək.

Braziliyanın Imperial Esports təşkilatı Counter-Strike 2 heyətində dəyişiklik etdiyini açıqlayıb. Komandaya Felipe “skullz” Medeiros qoşulub.

O, ehtiyat heyətə göndərilən Jose “shr” Xilin yerini tutub. Bununla da Imperial-ın yeni heyəti belə formalaşıb:

• Marcelo “chelo” Cespedes
• Vinicius “VINI” Figueiredo
• Santino “try” Rigal
• Kaiky “noway” Santos
• Felipe “skullz” Medeiros

Medeiros aprel 2025-dən etibarən FURIA Esports-un ehtiyat oyunçusu idi. Həmin müddətdə o, müvəqqəti olaraq FaZe Clan heyətində də çıxış edərək IEM Dallas 2025 turnirində iştirak etmişdi.

Natus Vincere komandası Esports World Cup 2025-in CS2 üzrə pley-off mərhələsində Team 3DMAX-ə məğlub olaraq mübarizəni dayandırıb. Qarşılaşma 1:2 hesabı ilə rəqibin xeyrinə yekunlaşıb.

Xülasə nəticələr:

• Ancient: 13:10 – NAVI qalib
• Inferno: 9:13 – 3DMAX qalib
• Nuke: 11:13 – 3DMAX qalib

Aleksey “Aleksib” Virolaynenin rəhbərliyi altındakı kollektiv turniri 9–16-cı yerlərdə başa vurub və 20 min dollar mükafat qazanıb.

Esports World Cup 2025 hazırda Səudiyyə Ərəbistanının paytaxtı Ər-Riyadda keçirilir. Yarışda 16 komanda 1,25 milyon dollarlıq mükafat fondu uğrunda mübarizə aparır.

t.me/fissure_pro_CS2-in məlumatına görə, FISSURE PLAYGROUND 2 – CS turnirinin təşkilatçıları son iştirakçıları elan ediblər. Əvvəldən açıqlanmış 12 komandaya Legacy, paiN Gaming, Heroic və Lynn Vision Gaming də qoşulub.

Turnir Serbiyanın Belqrad şəhərində 12–21 sentyabr tarixlərində keçiriləcək. Ümumilikdə 16 komanda 500 min dollarlıq mükafat fondu uğrunda mübarizə aparacaq. İştirakçılar arasında FaZe Clan, The Mongolz, Team Falcons və Virtus.pro da var.

Qeyd edək ki, seriyanın əvvəlki yarışı — FISSURE PLAYGROUND 1 – CS — ötən ay eyni məkanda baş tutmuşdu. Finalda TYLOO, Astralis üzərində qələbə qazanaraq 450 min dollarlıq mükafat fondundan əsas payı əldə etmişdi.

Maltada monqol komandası Vitality üzərində meycor finalındakı məğlubiyyətin qisasını aldı və titul qazanmağa bir addım qalmış dayandı. Bu materialda 1xBet Azərbaycan-ın kiberidman ekspertləri sizə başa çatmış CS2 turnirinin ən maraqlı hadisələrindən bəhs edəcəklər.

BLAST Bounty Fall 2025-in seçmə mərhələləri

2025-ci ildə turnir operatoru BLAST yeni turnir seriyasına start verdi. Bu seriyada komandalar yalnız titul uğrunda deyil, həm də bounty – pul mükafatı uğrunda mübarizə aparır. BLAST Bounty Fall 2025 seriyasının ikinci turnirinə qapalı seçmə mərhələləri 5–10 avqust tarixlərində onlayn formatda keçirildi və onlarda VRS Global topundan 32 komanda iştirak etdi.

Birinci mərhələdə aşağı olan 16 komanda özlərinə rəqib kimi Top-16-dan istənilən komandanı seçə bildi. Bu raund sürprizsiz keçdi – bütün favoritlər öz qarşılaşmalarını qazandılar. Amma ikinci tur bir neçə gözlənilməz nəticə gətirdi. Formasız Astralis hamı üçün gözlənilmədən NAVI-ni məğlub etdi, Virtus.pro isə adlı-sanlı FaZe Clan-ı üstələdi, ABŞ derbisində isə FURIA vs. Liquid duelində cənublular şimaldan güclü çıxdılar.

Qapalı seçmə mərhələsinin nəticəsinə görə final mərhələsinə səkkiz komanda vəsiqə qazandı: Vitality, MOUZ, Spirit, The MongolZ, Aurora, Virtus.pro, Astralis və Liquid. Bütün pley-off oyunları 14–17 avqust tarixlərində Maltadakı BLAST Arena Studios-da keçirildi və azarkeşlər maraqlı döyüşləri canlı izləyərək öz sevimlilərini dəstəkləyə bildilər.

BLAST Bounty Fall 2025-in dördəbirfinalı

• MOUZ – Astralis (2-0)
• The MongolZ – Aurora (2-0)
• Vitality – Liquid (2-0),
• Spirit – Virtus.pro (2-0)

Birinci dörddəfinalda MOUZ, Astralis-ə dünya reytinqindəki real yerlərini göstərdi və heç bir çətinlik çəkmədən hər iki xəritəni qazandı (13:8, 13:4). Sonrakı qarşılaşmada isə The MongolZ və Aurora səhnəyə çıxaraq bütün turnirin ən parlaq oyunlarından birini təqdim etdilər! Rəqibin seçimi olan Dust2-də monqollar ilk hissədə təşəbbüsü ələ aldılar (8:4), sonradan az qala rəqibin geri-dönüşünə imkan verdilər (10:11), lakin yekunda ardıcıl üç raundu qazanaraq qələbəni təmin etdilər (13:11). Öz seçimləri olan Mirage isə onlar üçün dəhşətli başladı – The MongolZ ardıcıl 11 (!) start raundunu uduzdular! Belə darmadağın nəticədən sonra oyuna geri qayıtmaq demək olar ki, mümkünsüz idi və tamaşaçılar artıq həlledici üçüncü xəritə Nuke-u izləməyə hazırlaşırdılar.

Ancaq monqol komandasının kapitanı başqa cür düşünürdü və 12-ci raundda komandanın psixologiyası üçün ən vacib olan klatçı qazandı. Əvvəlcə bLitz, A plenta girərkən iki oyunçunu götürməyi bacaran türklərin snayperi woxic-i sıradan çıxardı. Komanda bombanı qura bildi, amma bLitz üç rəqibə qarşı tək qaldı və soyuqqanlı şəkildə onların hamısını məhv edərək öz hesabına kvadrokill yazdırdı! İkinci hissəyə monqollar tam fərqli əhval-ruhiyyə ilə başladılar – ilk yarıda 1:11 hesabından sonra onlar 12:12-yə qədər bərabərlik əldə etdilər, ardınca oyunu əlavə vaxta daşıdılar və orada 16:13 hesabı ilə qələbə qazanaraq matçı (2-0) yekunlaşdırdılar.

Vitality üçün ilk siqnal Liquid-lə dörddəbir finalda gəldi – hər iki xəritədə oyun uzatma raundlarına qədər getdi (16:13, 19:16). Həmin anda dünyanın ən yaxşı komandası Top-20-dən kənar rəqiblərə qarşı daha inamlı qələbə qazanmalı idi. Spirit isə həmvətənləri Virtus.pro-ya bir az imkan yaratmağa çalışdı – Ancient xəritəsinin ilk hissəsini 3:9 hesabı ilə uduzdular, amma asanlıqla status-kvonu bərpa edib xəritəni öz xeyirlərinə bağladılar (13:10). Overpass-da isə «Əjdahalar» artıq güzəştə getməyi dayandırdılar və rəqibləri alçaldıcı 13:3 hesabı ilə tez bağladılar.

BLAST Bounty Fall 2025 yarımfinalı

• Spirit – MOUZ (2-0)
• The MongolZ – Vitality (2-0)

Spirit yarımfinalda rahat yürüşünü davam etdirdi, yalnız ilk xəritədə MOUZ-dan müqavimət gördü (16:14). İkinci xəritədə isə donk və komandası oyunu sanki nota görə ifa etdilər (13:5). Komandanın ən yaxşı oyunçusu isə yeni oyunçu zweih oldu.

İkinci yarımfinalın aşkar favoriti Vitality idi – fransızlar The MongolZ ilə keçirdikləri bütün doqquz üz-üzə görüşdə, o cümlədən BLAST.tv Austin Major 2025-in finalında qalib gəlmişdilər. Hətta bəziləri artıq Vitality-ni «monqolların kriptoniti» adlandırmağa başlamışdı. Buna görə də oyun ZywOo və komandasının açıq-aydın psixoloji üstünlüyü ilə start götürdü.

Mirage xəritəsində fransızlar ilk dörd raundu götürüb bir qədər arxayınlaşdılar və dərhal cəzalandırıldılar – The MongolZ ilk yarını bərabərliklə başa vurdu (6:6). Xəritənin açar raundlarından biri hesab 10:6 olarkən baş verdi: monqol snayperi 910 əsl şou göstərərək eys etdi və rəqibin geri dönüşünə imkan vermədi. Raund çox pis başladı – artıq 20-ci saniyədə ropz iki entri verdi və The MongolZ 3v5 vəziyyətində qaldı. Buna baxmayaraq, 910 əvvəlcə AWP ilə məlumat toplayan apEX-i vurdu, onun AK-47-ni götürdü, fransızların arxasına keçib bir nöqtədən triplkill etdi və sonuncu beşinci oyunçunu da bitirdi! Belə bir zərbədən sonra Vitality özünə gələ bilmədi və ilk xəritəni əldən verdi (7:13)?

Inferno xəritəsində monqollar az qala rəqiblərinin səhvini təkrarlayırdılar. İlk yarını 10:2 hesabı ilə götürdükdən sonra komanda arxayınlaşdı və xoşagəlməz geri dönüşə imkan verdi – hesab 11:11 oldu. Növbəti raund həlledici idi – qalib gələn tərəf ya önə keçəcək, ya da ən azı əlavə raundları təmin edəcəkdi. Burada isə faciəvi səhvi ZywOo buraxdı: o, bLitz-lə təkbətək qaldı. Uğursuz B plent çıxışından sonra, raundun bitməsinə 30 saniyə qalmış monqolların kapitanı hücum istiqamətini dəyişdi, A plent-də bombanı qurdu və qumda gizləndi. Fransız snayperi oyunçunu tapdı, amma atış anında bLitz əyildi və cavab atəşi ilə ZywOo-nu vurdu – o isə tullanaraq mövqeyini dəyişməyə çalışırdı (bu epizod fransız oyunçunun kabuslarında hələ uzun müddət görünəcək)! Sonuncu raundda ilkin favoritlər üzərində yaxın məğlubiyyətin təzyiqi hiss olundu və gözlənildiyi kimi uduzdular – The MongolZ tarixlərində ilk dəfə Vitality-ni məğlub edərək BLAST Bounty Fall 2025-in finalına çıxdılar!

BLAST Bounty Fall 2025-in qrand-finalı

• Spirit – The MongolZ (3-0)

Quru hesab olmasına baxmayaraq, BLAST Bounty Fall 2025-in qrand-finalını bərabər gücə malik iki rəqibin döyüşü kimi təsvir etmək olar – sadəcə, birinin bir qədər çox bəxti gətirdi.

Spirit ilk xəritə olan Nuke-u minimal üstünlüklə qazandı (13:11), ikinci xəritə Mirage isə o qədər gərgin keçdi ki, oyun əlavə raundlara qədər uzandı və uğur yenə «Əjdahaların» tərəfində oldu (16:13). Hər şey Ancient-də başa çatdı (13:5) – burada donk oyuna maksimum səviyyədə qoşularaq üstün çıxış etdi və karyerasında 10-cu dəfə HLTV x 1xBet Most Valuable Player (MVP) adına layiq görüldü.

Finalda məğlubiyyətə baxmayaraq, The MongolZ üçün bu turnir müsbət nəticə ilə yadda qaldı. Komanda nəhayət Vitality-ni məğlub etdi, yenidən böyük turnirin finalına yüksəldi və öz xəzinəsinə kifayət qədər böyük mükafat əlavə etdi. Həmçinin The MongolZ-un oyununu Youtube-da keçirilən monqol dilindəki yayımda rekord 110 min azarkeş izləyib, eləcə də bütün Monqoliyada on minlərlə kiberidman fanatı sevimli komandalarını dəstəkləmək üçün xüsusi fan-zonalarda bir araya gəlib.

The MongolZ artıq dünyanın ən yaxşı 5 komandası sırasında yer alır və belə oyun səviyyəsi, həm də qələbə qazanmaq istəyi ilə onlar mütləq yaxın turnirlərdən birini qazanacaqlar!