ESL Pro League Season 21, Counter-Strike 2 (CS2) üzrə üçüncü yarış mövsümündə kiberidman dünyasının diqqət mərkəzinə çevriləcək. Bu dəfə turnir, əvvəlki illərdə olduğu kimi Maltada deyil, İsveçin paytaxtı Stokholmda baş tutacaq. Dünyanın ən güclü komandaları, o cümlədən PGL Cluj-Napoca 2025-də iştirak etməyən kollektivlər, ənənəvi və prestijli ESL Pro League kuboku uğrunda mübarizə aparacaq.

Turnirin formatı

ESL Pro League Season 21, köhnə CS:GO turnirlərində olduğu kimi sadə və anlaşılan formatda keçiriləcək. Bu dəfə ESL, turnir formatını daha şəffaf və azarkeşlər üçün nostalji hisslər yaradacaq şəkildə qurub:

Turnir mərhələləri:

1. Pley-in mərhələsi:
   • 16 komanda iştirak edəcək.
   • “İsveç qrupu” formatında hər komanda 5 oyun keçirəcək.
   • 3 qələbə qazanan komandalar əsas mərhələyə yüksələcək.
   • 3 məğlubiyyət alan komandalar turnirdən kənarlaşdırılacaq.
2. Əsas mərhələ:
   • Pley-in mərhələsindən gələn 8 komanda və birbaşa dəvət almış 8 komanda iştirak edəcək.
   • Eyni “İsveç qrupu” formatı burada da tətbiq olunacaq.
3. Pley-off mərhələsi:
   • 8 komanda mübarizə aparacaq.
   • Turnir “single-elimination” (məğlubiyyətlə birbaşa turnirdən çıxma) formatında keçiriləcək.
   • Bütün matçlar BO3 (üç oyundan iki qələbə) formatında olacaq.
   • Böyük final isə BO5 (beş oyundan üç qələbə) formatında baş tutacaq.

Turnirin keçirilmə tarixi

• 1-5 mart: Pley-in mərhələsi. Komandalar 5 gün ərzində 3 qələbə qazanmağa çalışacaqlar.
• 7-11 mart: Əsas mərhələ. Burada 8 komanda pley-offa vəsiqə qazanacaq.
• 13 mart: Pley-off mərhələsi başlayacaq.
• 16 mart: Böyük final keçiriləcək.

Yarışın keçirildiyi məkan

Turnir Stokholmda, ESL studiyasında keçiriləcək. Əvvəlki PGL Major Stockholm 2021 turnirindən fərqli olaraq, bu dəfə böyük stadion və geniş tamaşaçı zalı istifadə olunmayacaq. Bütün oyunlar ESL-in qapalı studiyasında təşkil olunacaq və yalnız onlayn izləmək mümkün olacaq.

ESL Pro League Season 21 iştirakçıları

Əsas mərhələ komandaları:

• G2 (1-ci yer)
• Spirit (2-ci yer)
• The MongolZ (3-cü yer)
• Vitality (4-cü yer)
• MOUZ (6-cı yer)
• Natus Vincere (7-ci yer)
• Falcons (8-ci yer)
• Liquid (9-cu yer)

Pley-in mərhələsində çıxış edəcək komandalar:

• FURIA (10-cu yer)
• paiN (11-ci yer)
• MIBR (12-ci yer)
• 3DMAX (13-cü yer)
• Eternal Fire (14-cü yer)
• GamerLegion (15-ci yer)
• SAW (17-ci yer)
• FlyQuest (19-cu yer)
• HEROIC (25-ci yer)
• Nemiga (26-cı yer)
• M80 (32-ci yer)
• NRG (34-ci yer)
• Mindfreak (159-cu yer)
• Housebets (185-ci yer)

Mükafat fondu

Turnirin ümumi mükafat fondu 400 min dollar təşkil edir. Bununla yanaşı, təşkilatlar üçün əlavə bonuslar da nəzərdə tutulub.

Turnirin favoritlər

Spirit və Vitality komandaları turnirin əsas favoritləri hesab olunur. Spirit, IEM Katowice 2025 turnirində yaşadıqları emosional təcrübəni arxada qoyaraq, daha güclü qayıtmaq istəyir. Vitality isə IEM Katowice 2025-də qazandıqları uğurlu nəticələrlə özlərini sübut ediblər və yeni oyunçu Robbin ropz Kul ilə daha güclü sinerji nümayiş etdirirlər.

Böyük ehtimalla, turnirin əsas intriqası bu iki komanda arasında olacaq. Xüsusən də, Spirit komandası Katowice-də buraxdığı məğlubiyyəti təkrarlamamaq üçün əlavə motivasiyaya malikdir.

Matçların izlənməsi

Matçlar ESL Pro League Season 21-in rəsmi platformalarında və bəzi bukmeker saytlarında canlı yayımlanacaq. Oyunları izləmək üçün qeydiyyatdan keçmək və ya mövcud hesabınıza daxil olmaq kifayətdir.

Nəticə

ESL Pro League Season 21, 2025-ci ilin ən böyük CS2 turnirlərindən biri olacaq. Dünyanın ən güclü komandaları, milyonlarla azarkeşin diqqəti qarşısında öz güclərini sübut etməyə çalışacaqlar. Spirit və Vitality arasındakı rəqabət isə mövsümün əsas hekayələrindən biri olacaq. Turnirin nəticələri, xüsusilə BLAST.tv Austin Major 2025 üçün Valve reytinq xalları baxımından da böyük əhəmiyyət daşıyır.

Valve, Counter-Strike 2 (CS2) üzrə keçiriləcək böyük turnirlərdə iştirakçıları müəyyən edən VRS (Valve Ranking System) reytinq sistemində önəmli dəyişikliklər edib. Şirkət, xüsusilə son dövrlərdə sistemdə yaranmış boşluqlar və sui-istifadə hallarını aradan qaldırmaq məqsədilə fevral ayında mühüm yeniliklər tətbiq edib.

az-esports.com VRS sistemində aparılan üç əsas yeniliyi təqdim edir:

1. Matçdan imtina məğlubiyyət sayılacaq

Yanvar və fevral aylarında Imperial Valkyries qadın komandasının kişilərdən yüksək reytinqdə olması diqqət çəkmişdi. Komanda, xüsusən kiçik onlayn turnirlərdə məğlub olmamaq üçün sadəcə matçlardan imtina edirdi. Əvvəlki qaydalarda matçdan imtina etməklə bağlı hər hansı cəza tətbiq olunmurdu və bu boşluq həm qadın, həm də kişi komandaları arasında “trend” halını almışdı.

25 fevral tarixindən etibarən matçdan imtina edən komanda, məğlubiyyətlə eyni miqdarda reytinq xalı itirəcək. Lakin, əvvəlki hallarla bağlı (məsələn, Imperial Valkyries hadisəsi) geriyə dönük tədbirlər görülməyəcək.

2. Böyük LAN-turnirlərdən sonra dəvətlərin yenilənməsi

Valve reytinq xalları, hər oynanılan matçdan sonra hesablanır. Lakin əsas xallar, komandanın qazandığı mükafat məbləğinə əsaslanır. Əvvəlki sistemdə əsas problem, gələcək turnirlər üçün göndərilən dəvətlərin cari turnir nəticələrini nəzərə almaması idi.

Məsələn, GamerLegion komandası bu boşluq səbəbilə BLAST Open Lisbon 2025 turnirinə dəvət ala bilməmişdi. Komanda IEM Katowice 2025 turnirində 7-8-ci yeri tutsa da, turnir yalnız 9 fevralda başa çatdığı üçün Valve reytinqi 3 fevral tarixində bu nəticəni nəzərə almamışdı.

Yeni yeniliklə, dəvət tarixləri daha çevik və məntiqli olacaq, böyük LAN-turnirlərdən sonra nəticələrə uyğun şəkildə dəvətlər göndəriləcək.

3. ESL-dən “gizli” mükafatların nəzərə alınması

ESL və BLAST turnir operatorlarına partnyor liqalar və avtomatik dəvətlər qadağan olunduqdan sonra hər iki operator müxtəlif yollarla bu çətinlikdən çıxmağa çalışıb. ESL, təşkilatlar üçün əlavə mükafat fondu təyin edib, lakin bu məbləğ oyunçulara deyil, birbaşa təşkilat rəhbərlərinin hesablarına köçürülür.

Məsələn, Vitality komandası IEM Katowice 2025 turnirində 400 min dollar qazansa da, təşkilat özü əlavə 60 min dollar əldə edib.

25 fevral tarixindən etibarən VRS reytinqi bu “gizli” mükafatları da nəzərə alacaq. Lakin, əsas problem şəffaflıq məsələsidir. Məsələn, PGL kimi digər turnir operatorları bu cür ödəmələri ictimaiyyətdən gizlədə bilər, bu da VRS sistemində fərqli turnirlər üçün fərqli nəticələr yarada bilər.

Növbəti böyük turnir: ESL Pro League 21

Növbəti böyük LAN-turnir, ESL Pro League 21 olacaq. Turnir İsveçin paytaxtı Stokholmda keçiriləcək. Spirit komandası, Valve reytinqində birinci yeri tutaraq əsas mərhələyə birbaşa dəvət alıb.

Son xəbərləri və yenilikləri az-esports.com saytında izləyə bilərsiniz!

Olimpiya Şurası Asiya Oyunlarının 2026-cı ildə Naqoiyada keçiriləcək kiberidman bölməsində yer alacaq oyunları elan edib.

Asiya Oyunları 2026 çərçivəsində aşağıdakı kiberidman oyunları keçiriləcək:

• Street Fighter 6
• Pokemon Unite
• Honor of Kings
• League of Legends
• PUBG
• Mobile Legends: Bang Bang
• Dreams of 3 Kingdoms
• NARAKA: Bladepoint
• Gran Turismo 7
• eFootball
• Puyo Puyo Champions

20-ci Asiya Oyunları 19 sentyabr – 4 oktyabr tarixləri arasında baş tutacaq. Kiberidman növləri yarışlara əlavə rəng qatacaq və regionun ən yaxşı oyunçularını bir araya gətirəcək.

Esports World Cup 2025-in təşkilatçıları sosial şəbəkələrdə təsdiqləyiblər ki, Chessable Masters 2025 turnirinin qalibi avtomatik olaraq şahmat üzrə EWC 2025-ə vəsiqə qazanacaq.

Hazırda Chessable Masters 2025-in finalında yarışacaq iki iştirakçı bəllidir: Team Liquid komandasında çıxış edən norveçli qrossmeyster Maqnus Karlsen və Team Falcons təmsilçisi Hikaru Nakamura.

NAVI şahmatçıları da Chessable Masters 2025 turnirində iştirak ediblər. Ukraynalı Aleksandr Bortnik turniri 45-ci yerdə tamamlayıb, amerikalı Vesli So isə 13-16-cı yerləri tutaraq 5 min dollar mükafat qazanıb.

Chessable Masters 2025-in ümumi mükafat fondu 150 min dollar təşkil edir. Final görüşü 21 fevral saat 18:00-da onlayn keçiriləcək. Oyunu izləmək üçün xüsusi link təqdim edilib.