Çin təmsilçisi TYLOO komandası Counter-Strike 2 üzrə keçirilən Asian Champions League 2025 turnirində qələbə qazanaraq həm çempion tituluna, həm də Esports World Cup 2025-ə birbaşa vəsiqəyə sahib oldu.

Qətiyyətli final və üstünlük

Qran-pri mərhələsində TYLOO ilə digər Çin komandası Lynn Vision Gaming üz-üzə gəldi. TYLOO Inferno xəritəsində 22:19, Ancient xəritəsində isə 13:3 hesabı ilə qalib gələrək 2:0 hesabla seriyanı yekunlaşdırdı.

Mükafat bölgüsü və yekun sıralama

• 1-ci yer — TYLOO (Çin) – 100 000 dollar və Esports World Cup 2025 üçün vəsiqə
• 2-ci yer — Lynn Vision Gaming (Çin) – 60 000 dollar
• 3-cü yer — FlyQuest (Avstraliya) – 40 500 dollar
• 4-cü yer — JiJieHao (İordaniya) – 30 000 dollar
• 5–6-cı yerlər — The Hans Esports (Monqolustan) və Rare Atom (Çin) – hər biri 12 000 dollar
• 7–8-ci yerlər — NinJa (Çin) və Nomads (Monqolustan) – hər biri 7 000 dollar

Turnir haqqında

Asian Champions League 2025 – Asiya regionu üçün nəzərdə tutulmuş Tier-1 səviyyəli Counter-Strike 2 turniridir. Yarış 6–16 may tarixlərində Çində LAN formatında baş tutub. Ümumilikdə 8 komanda 300 000 dollar mükafat fondu uğrunda mübarizə aparıb. Turnirin əsas məqsədi Esports World Cup 2025-ə çıxışı təmin etmək idi.

Əfsanəvi basketbolçu və NRG Esports komandasının həmsahibi olan Şakil O’Nil, BLAST.tv Austin Major 2025 turniri öncəsində komandasına dəstəyini ifadə edib. O’Nil, BLAST-a verdiyi açıqlamada, NRG-nin öz ölkəsində, ABŞ-da keçiriləcək bu mötəbər tədbirdə iştirakını “xüsusi bir an” adlandırıb.

“BLAST.tv Austin Major 2025-də NRG uşaqları üçün azarkeşlik edəcəyəm, çünki onlar Amerikamızı burada, ABŞ torpağında təmsil edirlər. Major sadəcə növbəti tədbir deyil, bu, kibersportun zirvəsidir – ən yaxşılar, dünyanın ən böyük səhnəsində üz-üzə gəlir. Bu prestijli turnirin Ostində keçirilməsi və NRG-nin iştirak etməsi həqiqətən xüsusi bir hadisədir. Onların döyüşlərini səbirsizliklə gözləyirəm,” – deyə O’Nil bildirib.

BLAST.tv Austin Major 2025 — detallı məlumat

BLAST.tv Austin Major 2025 turniri 2-22 iyun tarixlərində ABŞ-da keçiriləcək. Yarışda 32 komanda iştirak edəcək və ümumi 1,25 milyon dollar mükafat fondu uğrunda mübarizə aparacaq.

• Play-off oyunları: Moody Center arenasında təşkil olunacaq.
• NRG Esports: Komanda öz yoluna ilkin mərhələdən başlayacaq və burada regional seçmələrdən gələn 15 komanda ilə birgə əsas mərhələyə vəsiqə qazanmağa çalışacaq.

Bu turnir, CS2 üzrə ABŞ-da keçirilən ilk böyük Major tədbiri olacaq və O’Nil kimi tanınmış idman ulduzlarının dəstəyi turnirə diqqəti bir qədər də artırır.

Qazaxıstanın Astana şəhərində keçirilən PGL Astana 2025 üzrə Counter-Strike 2 turnirində azarkeşlərə plakatlarla içəri daxil olmaq qadağan olunub. Bu barədə ölkənin Daxili İşlər Nazirliyi qərar qəbul edib.

Plakatlar girişdə müsadirə edildi

16 may tarixində “Barys Arena”-ya gələn bir çox azarkeşlər şəxsi hazırladıqları plakatlarla qarşılaşmaları izləməyə gəlsələr də, girişdə bu plakatlar onlardan alınıb. Azarkeşlər sosial şəbəkələrdə narazılıqlarını ifadə ediblər. Qərar təxribat xarakterli situasiyaların qarşısını almaq məqsədi ilə verilib.

Bənzər qərarlar daha əvvəl ESL tərəfindən təşkil olunan turnirlərdə də tətbiq olunmuşdu.

Çeyrekfinal mərhələsi start götürdü

Xəbər yayıldığı anda artıq çeyrekfinal oyunları başlamışdı. İlk qarşılaşma “Aurora Gaming” və “TheMongolZ” komandaları arasında keçirilir. Matç best-of-3 formatındadır və Moskva vaxtı ilə saat 08:00-da start götürüb.

Bu mərhələnin qalibi yarımfinala yüksələcək, uduzan komanda isə turniri 5-8-ci pillədə tərk edəcək və $31,250 mükafat alacaq.

CS2 üzrə PGL Astana 2025 turnirində gərgin çeyrekfinal qarşılaşmasında NAVI komandası Astralis qarşısında məğlubiyyətə uğrayaraq yarışla vidalaşdı. Matç üç xəritəlik mübarizədən sonra 1:2 hesabı ilə Astralis-in xeyrinə başa çatdı.

Qarşılaşmanın nəticələri:

• Nuke: 13:16 (Astralis qələbə)
• Mirage: 13:8 (NAVI qələbə)
• Ancient: 6:13 (Astralis qələbə)

NAVI üçün erkən vidalaşma və Astralis-in yarımfinal bileti

Bu nəticə ilə NAVI turnirdə 5-8-ci yerlər arasında qərarlaşdı və $31,200 mükafat qazandı. Astralis isə yarımfinala yüksələrək 17 may tarixində “Aurora” komandası ilə qarşılaşacaq.

Turnirin detalları

PGL Astana 2025 turniri 10-18 may tarixlərində Qazaxıstanın Astana şəhərində LAN formatında keçirilir. Yarışda 16 komanda 1,25 milyon dollar ümumi mükafat fondu uğrunda mübarizə aparır.