Çinin Quancjou şəhərində keçiriləcək CS2 üzrə XSE Pro League 2026 turnirində mübarizə aparacaq ilk komandaların adları açıqlanıb. Ümumilikdə 16 kollektivin qatılacağı irimiqyaslı yarışda artıq 6 iştirakçının adı dəqiqdir. Yerdə qalan birbaşa dəvətlər (invite) isə komandaların 4 iyun 2026-cı il tarixinə olan VRS reytinqindəki mövqelərinə əsasən paylanacaq.
Yarış iyulun 1-də start götürəcək və iki mərhələdə keçirilərək 12 iyul tarixinədək davam edəcək:
Qrup mərhələsi (1–5 iyul): Oyunlar İsveçrə sistemi (Swiss format) üzrə keçiriləcək. Ən yaxşı nəticə göstərən 8 komanda pley-offa vəsiqə qazanacaq.
Pley-off mərhələsi (9–12 iyul): Turnirin həlledici mərhələsi birbaşa məğlubiyyət (Single-elimination) sistemi ilə baş tutacaq.
Mükafat fondu və bölgüsü
Yarışın ümumi mükafat fondu 1 000 000$ təşkil edir. Bu məbləğ xüsusi bir sistemlə yarıbayarı bölünüb: 500 000$ hissə-hissə birbaşa oyunçulara, digər 500 000$ isə kiberidman klublarına (təşkilatlara) ödəniləcək.
Turnirin çempionu olacaq komanda 200 000$ (oyunçular üçün) və əlavə olaraq 60 000$ (klub payı) mükafat qazanacaq.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
