LTA North 2025 Split 2 və LTA South 2025 Split 2 üzrə League of Legends turnirində ikinci qrup mərhələsi başa çatıb. Şimali Amerikada baş tutan yarışda FlyQuest və Cloud9 A və B qruplarında bütün oyunlarını qazanaraq pley-offun yuxarı setinə birbaşa vəsiqə qazanıblar. Bu iki komanda 17 may saat 23:00-da birinci və ikinci yerlər uğrunda BO3 formatında qarşılaşacaq.
Shopify Rebellion sürprizi və 100Thieves-in geriləməsi
A qrupunda Team Liquid, Cloud9-a 0:2 hesabı ilə uduzaraq ikinci yerlə kifayətlənib. B qrupunda isə gərgin rəqabət yaşanıb. Shopify Rebellion, son matçda 100Thieves üzərində 2:1 hesablı sensasiyalı qələbə qazanaraq onları geridə qoyub və pley-offun yuxarı setinə yüksəlib.
Shopify Rebellion, Team Liquid ilə 18 may saat 03:00-da 3-4-cü yerlər uğrunda qarşılaşacaq.
100Thieves, Dignitas və Disguised komandaları isə aşağı set uğrunda birbaşa BO3 formatında mübarizəyə başlayacaq. Uduzanlar turnirdən kənarlaşdırılacaq:
- 100Thieves vs Disguised – 19 may, saat 00:00
- LYON vs Dignitas – 19 may, saat 03:00
Cənubi Amerikada liderlər: Pain Gaming və Furia
LTA South 2025 Split 2 turnirində A və B qruplarında Pain Gaming və Furia liderlik ediblər. Pain Gaming 3:0 nəticə ilə problemsiz keçib. Furia isə yalnız bir oyunda – Fluxo w7m-ə uduzub (1:2), lakin digər rəqibləri üzərində qələbə sayəsində birinci olub.
17 may saat 18:00-da Furia və Pain Gaming ilk iki yer uğrunda qarşılaşacaq.
İkinci yerləri isə Keyd Stars və LOUD tutub. LOUD, həlledici görüşdə Pain Gaming-i 2:1 hesabı ilə məğlub edib. Hər iki komanda 18 may saat 19:00-da 3-4-cü yerlər uğrunda qarşılaşacaq.
Aşağı set uğrunda mübarizə – LTA South
Turnirdən kənar qalmamaq üçün aşağıdakı komandalar oynayacaq:
- Isurus Estral vs Fluxo w7m – 17 may, saat 22:00
- Red Canids vs Leviathan – 18 may, saat 22:00
Uduzan komandalar turnirdən kənarlaşdırılacaq, qaliblər isə pley-offun aşağı setində mübarizəni davam etdirəcəklər.
Turnir detalları:
- LTA North 2025 Split 2: 5 aprel – 8 iyun, mükafat fondu – 160 min dollar
- LTA South 2025 Split 2: 5 aprel – 15 iyun, mükafat fondu – 60 min dollar
- Hər iki turnirdə MSI 2025 və Esports World Cup 2025-ə vəsiqə mükafatı oynanılır.
