25
Dota 2 üzrə keçirilən BLAST Slam III turniri seriyanın tarixində yeni pik izləyici rekordu ilə yadda qaldı. Tundra Esports və Team Falcons komandaları arasında baş tutan gərgin qran-pri finalını eyni anda 293 700 nəfər izləyib. Bu barədə statistik məlumatları Esports Charts təqdim edib.
Seriyada artan izləyici marağı
BLAST Slam seriyasının hər yeni turniri əvvəlkiləri geridə qoyaraq izləyici rekordlarını yeniləməkdə davam edir:
- BLAST Slam I – 200 min izləyici
- BLAST Slam II – 277 400 izləyici
- BLAST Slam III – 293 700 izləyici
Beləliklə, BLAST Slam III bu göstərici ilə seriyanın zirvəsinə qalxıb və Dota 2 həvəskarlarının artan marağını bir daha sübut edib.
Turnir haqqında ümumi məlumat
Turnir 6–11 may tarixlərində Danimarkanın Kopenhagen şəhərində yerləşən BLAST Studios-da baş tutub. Yarışda dünyanın güclü Dota 2 kollektivləri 1 milyon ABŞ dolları məbləğində mükafat fondu uğrunda mübarizə aparıblar.
