Dünyanın aparıcı yaddaş çipi istehsalçıları — SK Hynix, Samsung və Micron 2027-ci ildə buraxmağı planlaşdırdıqları məhsul həcmlərini demək olar ki, tamamilə əvvəlcədən müqavilələşdirərək satıblar. Bu barədə “DigiTimes” nəşri sənayedəki etibarlı mənbələrə istinadən məlumat yayıb.
Bu cür kəskin ajiotajın ana səbəbi süni intellekt (AI) infrastrukturlarının sürətli inkişafıdır. Süni intellekt sahəsində çalışan nəhəng texnologiya şirkətlərinin serverlər üçün böyük həcmdə yaddaşa ehtiyacı olduğundan, onlar gələcək tədarükləri öncədən tamamilə satın alırlar.
PC Komponentlərinin Bahalaşması Və Ana Platalar
Ekspertlər xəbərdarlıq edirlər ki, yaranmış bu vəziyyət adi istifadəçilər üçün operativ yaddaş (RAM) və digər kompüter komponentlərinin qiymətlərinin daha da artmasına gətirib çıxaracaq.
Bundan əlavə, komponentlərin bahalaşması səbəbindən ASUS, GIGABYTE və MSI kimi aparıcı istehsalçıların artıq 2026-cı ilin 3-cü rübündən etibarən ana plataların qiymətlərini qaldırmağı planlaşdırdıqları bildirilir.
