“PUBG: Battlegrounds” tərtibatçıları oyuna bir sıra kolaborasiyalar və mühüm geympley dəyişiklikləri gətirən irimiqyaslı 41.2 yenilənməsini elan etdilər.
Yenilənmənin mərkəzi elementi eyniadlı oyun seriyası ilə əməkdaşlıq çərçivəsində yaradılmış müvəqqəti PAYDAY rejimi olub. Oyunçular bu rejimdə peşəkar soyğunçuluq atmosferinə daxil olmaq imkanı qazanacaqlar.
Yamanın ikinci strateji istiqaməti isə Harley-Davidson ilə tərəfdaşlıqdır. Belə ki, oyuna “CVO Road Glide ST” motosikli üçün eksklüziv skin əlavə edilib.
Yeni bitirici zərbə (Finisher) sistemi
41.2 yaması taktiki bitirici zərbələr sisteminin tətbiqi sayəsində yaxın döyüşləri xeyli rəngarəng edir. İndi oyunçular “nok” vəziyyətinə düşmüş rəqibləri soyuq silahlarla — tava, maçete, kərənti (loma) və ya oraqla — unikal animasiyalar vasitəsilə edam edə bilərlər. Tərtibatçılar gələcəkdə bu funksiya üçün əlçatan olan silahların siyahısını genişləndirməyi planlaşdırırlar.
Digər yeniliklər arasında bunlar yer alır:
- Miramar yenilikləri: İndi xəritədə yeni gizli məkanlar tapmaq mümkündür.
- Həftəsonu turniri: Oyunçulara əlavə rəqabət təcrübəsi təklif edəcək məhdud zamanlı həftəsonu turnirinin keçiriləcəyi anons edilib.
