“VALORANT Masters London 2026” turnirində İsveçrə sistemi mərhələsi (Swiss Stage) başa çatıb və mübarizəni pley-off mərhələsində davam etdirəcək son dörd komandanın adı rəsmən müəyyənləşib.
Bu mərhələni heç bir məğlubiyyət almadan (mütləq qələbə ilə) tamamlayan Leviatán və Team Vitality pley-offa çox rahat vəsiqə qazanıblar. Aktivlərinə iki qələbə və bir məğlubiyyət yazdıran FUT Esports və XLG Esports kollektivləri də çətinliklə də olsa adlarını pley-off mərhələsinə yazdırmağı bacarıblar.
Pley-off mərhələsində bu 4 komandaya turnirin reqlamentinə əsasən ilk mərhələni buraxan regional liqaların çempionları — G2 Esports, EDward Gaming, Paper Rex və Team Heretics qoşulacaqlar.
Dörddəbir final (Quarter-finals) matçlarının təqvimi
12 iyun
- Paper Rex — Leviatán
- Team Heretics — Team Vitality
13 iyun
- EDward Gaming — FUT Esports
- G2 Esports — XLG Esports
Turnir barədə qısa arayış: “VALORANT Masters London 2026” çempionatı 6-21 iyun tarixlərində Böyük Britaniyanın London şəhərində keçirilir. Dünyanın ən güclü komandaları turnirin 1 milyon dollar ($1 000 000) məbləğində olan nəhəng mükafat fondu və vacib VCT xalları uğrunda mübarizə aparır.
