28 yaşlı Yesentumur “nin9” Qantulqa “The MongolZ” komandasının heyətindəki son boş yer üçün əsas namizəd olub. Hazırda ehtiyat skamyasında yer alan Anarbileq “cobrazera” Uuqanbayarın da onunla birlikdə əsas beşliyə qayıdacağı gözlənilir. Bu barədə “HLTV.org” portalı məlumat yayıb.
“nin9” əvvəllər Qaridmaqnay “bLitz” Byambasuren, Sodbayar “Techno4K” Munkbold və məşqçi Erdenedalay “maaRaa” Bayanbat ilə birgə çıxış edib. Onlar “IHC” komandasının tərkibində 2022-ci ildə “PGL Major Antwerp 2022” turnirinə vəsiqə qazanaraq Meycor yarışında iştirak edən ilk Monqolustan kollektivi olmuşdular. “nin9” həmçinin 2018-ci ildə “maaRaa” heyətin bir hissəsi olduğu zaman da “The MongolZ” rənglərini qoruyub.
“The MongolZ” rəhbərliyinə sonuncu oyunçunu müəyyənləşdirmək üçün bir neçə həftə vaxt lazım gəlib. “nin9” ilə yanaşı, komanda “Alter Ego”dan Maks “laxiee” Andreyevi və öz akademiyasından olan 15 yaşlı Bayarbat “M4k” Tuqs-Erdenei sınaqdan keçirib. Bu arada “nin9” artıq “ESN Fall Showdown” çərçivəsində “The Huns” komandasının “1337”yə qarşı matçını buraxıb və “5star” kollektivi ilə növbəti qarşılaşmada da iştirak etməyəcək.
Keçid baş tutacağı təqdirdə “The MongolZ” heyəti belə formada olacaq:
- Qaridmaqnay “bLitz” Byambasuren
- Usuxbayar “910” Banzraqç
- Sodbayar “Techno” Munkbold
- Anarbileq “cobrazera” Uuqanbayar
- Yesentumur “nin9” Qantulqa
