Team Liquid Dota 2 üzrə keçirilən FISSURE Universe: Episode 4 turnirinin qrup mərhələsində BetBoom Team komandasını inamla məğlub edib. Görüş iki xəritə üzərində keçib və hər ikisində Liquid qalib gəlib – hesab 2:0.
Bu qələbə ilə Team Liquid turnirin pley-off mərhələsinə vəsiqə qazanan komandalar sırasına qoşulub. Daha əvvəl bu mərhələyə PARIVISION, Team Tidebound, Tundra Esports və Team Spirit vəsiqə qazanmışdı.
BetBoom Team üçün isə turnir hələ davam edir. Onlar növbəti oyunlarını qrup mərhələsində BOOM Esports, Aurora Gaming, Gaimin Gladiators, Team Falcons və 1win Team komandalarına qarşı keçirəcəklər. Bu oyunlar 26 mart tarixində baş tutacaq və nəticələr komandanın pley-offa yüksəlmək şansını müəyyənləşdirəcək.
Turnir 22–30 mart tarixləri arasında Avropa serverlərində onlayn formatda keçirilir. FISSURE Universe: Episode 4 turnirinin ümumi mükafat fondu isə 500 min ABŞ dolları təşkil edir.
