PGL təşkilatçılığı ilə keçiriləcək CS2 turniri – Belgrade 2025 üzrə yeni qərar ictimaiyyətə açıqlanıb. Turnirə bu dəfə açıq və ya qapalı seçmə mərhələlər vasitəsilə qatılmaq mümkün olmayacaq. Bunun əvəzinə, iştirakçılar birbaşa Valve şirkətinin VRS (Valve Ranking System) reytinqinə əsasən dəvət olunacaq.
Seçmə mərhələlər ləğv olundu
Turnir təşkilatçılarının açıqlamasına görə, bu qərar keyfiyyətli və sabit komandaların iştirakını təmin etmək məqsədi daşıyır. Qeyri-peşəkar və saxtakarlıq ehtimalı olan kollektivlərin qarşısının alınması da səbəblər arasındadır. Bu format artıq tier-2 və tier-3 səviyyəli turnirlərdə tətbiq olunur və bu dəfə daha yüksək səviyyəli yarışa da şamil edilir.
Lakin qeyd etmək lazımdır ki, bu dəyişiklik reytinqdə aşağı pillələrdə olan və özünü göstərmək istəyən komandalar üçün əlavə çətinliklər yaradacaq.
Turnirin detalları
- Turnirin adı: PGL Belgrade 2025
- Keçirilmə tarixləri: 25 oktyabr – 2 noyabr
- Mükafat fondu: 1,25 milyon ABŞ dolları
- Format: Yalnız VRS reytinqinə əsasən dəvət edilən komandalar
Digər texniki və turnir formatı ilə bağlı detallı məlumatlar yaxın günlərdə açıqlanacaq.
