VALORANT Champions Tour (VCT) kiberidman turnirləri seriyası yeni bir nailiyyətə imza atdı. Məlumatı şuterin kiberidman şöbəsinin rəhbəri Leo Faria yayımlayıb. 2025-ci ildə tərtibatçılar və franşiz komandaları 105,2 milyon dollar məbləğində rekord məbləği bölüşdürəcəklər. Bu məbləğ oyundakı skinlərin (dərilərin) satışından əldə edilib.
2024-cü ildə bu gəlir 44 kollektiv arasında paylanılmışdı. 2026-cı ildə neçə komandanın qalacağı hələlik məlum deyil. Lakin peşəkar səhnədə artıq VCT 2026, VALORANT Masters Santiago 2026 və VALORANT Masters London 2026 turnirləri planlaşdırılıb.
Bundan əvvəl, Valorant Mobile-ın rəsmi hesabı sosial şəbəkələrdə hələlik yalnız Çində əlçatan olan oyunda 110 mindən çox hesabın bloklanması barədə məlumat paylaşmışdı.
