Riot Games 2026-cı ildə Avropada keçiriləcək ilk böyük League of Legends turniri olan LEC Versus-un formatını açıqladı. Çempionatda LEC-in on tərəfdaş komandası ilə yanaşı, iki dəvət olunmuş kollektiv də mübarizə aparacaq.
Tier-2 səhnəsində göstərdikləri yüksək nəticələrə görə Los Ratones komandası turnirə dəvət alıb. Digər qonaq komanda isə EMEA Masters Summer 2025-in qalibi olan Karmine Corp akademiyası olacaq.
Turnirin Strukturu və Cədvəli
LEC Versus 2026 hər bir komandanın bir-biri ilə qarşılaşdığı qrup mərhələsi ilə başlayacaq.
İlkin mərhələnin bütün matçları Bo1 (bir qələbəyə qədər) formatında keçiriləcək.
Qrup mərhələsindən sonra ən yaxşı səkkiz kollektiv pley-off mərhələsinə vəsiqə qazanacaq.
Pley-offun ilk raundu Bo3, növbəti bütün oyunlar isə Bo5 formatında baş tutacaq.
Turnirin ilk həftəsində NAVI; Heretics, Vitality və Fnatic komandaları ilə üz-üzə gələcək.
LEC Versus 17 yanvar – 1 mart tarixləri arasında Almaniyanın Berlin şəhərindəki Riot Games Arena-da keçiriləcək. Turnirin qalibi First Stand yarışında iştirak hüququ əldə edəcək.
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
