“Blizzard Entertainment” şirkəti ABŞ-ın Anahaym şəhərində 12–13 sentyabr tarixlərində keçiriləcək “BlizzCon 2026” miqyaslı oyun sərgisinin treylerini dərc edib. Festival çərçivəsində şirkətin əsas oyunları ilə bağlı yeni anonslar və mühüm xəbərlər gözlənilir.
Ziyarətçiləri “World of Warcraft”, “Hearthstone” və “Blizzard”ın klassik oyunları üzrə turnirlər, 1300-dən çox demo-stansiya, kospley müsabiqələri, musiqi çıxışları və yenilənmiş “Yeni Ay Yarmarkası” gözləyir. Festivalın əsas səhnəsi D zalında yerləşəcək və 7500 tamaşaçı tutumuna malik olacaq.
“Blizzard” tədbirlərin bir hissəsini onlayn olaraq canlı yayımlayacaq. Təşkilatçılar ümumilikdə 117 saatlıq birbaşa efir planlaşdırırlar; tamaşaçılar yayımları izləyərək “Drops” sistemi vasitəsilə oyun daxili mükafatlar da qazana biləcəklər.
