Supercell şirkəti rəsmən Brawl Stars Championship 2026 turnir seriyasının iştirakçıları üçün nəzərdə tutulmuş yeni oyun daxili mükafat sistemini elan etdi. Builki mükafatlar “Chaos Drop” və “Legendary Drop” kimi qiymətli əşyalarla zəngindir və oyunçulara “Championship Challenge” mərhələsindən başlayaraq Dünya Finalına qədər hər bir pillədə təqdim olunacaq.

Sosial media üzərindən paylaşılan məlumatlara görə, bonusların paylanma sistemi turnirin müxtəlif mərhələlərini əhatə edir. İlkin mərhələ olan “Championship Challenge” zamanı oyunçular hər üç qələbədən bir bir ədəd Chaos Drop qazanacaqlar. Bu qutuların içərisindən oyun valyutasından tutmuş müxtəlif skinlərə qədər təsadüfi mükafatlar çıxa bilər.

Aylıq seçmə mərhələlərində (Monthly Qualifier) isə sistem daha da maraqlı hal alır. İlk gündə iştirakçılar keçdikləri hər raund üçün bir Chaos Drop alırlar. İkinci gün isə mükafatların dəyəri artır; birinci raundu tamamlayan hər kəsə nadir əşyaların olduğu Legendary Drop, növbəti raundlar üçün isə yenidən Chaos Drop-lar verilir. Aylıq finallarda da hər bir raundun keçilməsi oyunçuları yeni Chaos Drop-larla mükafatlandırır.

Turnirin zirvəsi sayılan Dünya Finalına (World Finals) vəsiqə qazanan kiberidmançılar isə daha özəl hədiyyələrlə qarşılanacaqlar. Bu mərhələyə çatmış oyunçular eksklüziv LAN mükafatları, o cümlədən xüsusi oyunçu titulu (title) və digər nadir bonuslar əldə edəcəklər. Supercell-in bu addımı həm peşəkar kiberidmançıları, həm də həvəskar oyunçuları turnirdə iştirak etmək üçün daha çox motivasiya etmək məqsədi daşıyır.

Fransanın köklü kiberidman təşkilatlarından olan 3DMAX, uğursuz keçən 2026-cı il mövsümündən sonra köklü islahatlara əl atıb. Klub həm oyunçu heyətini, həm də texniki heyətini yeniləyərək yenidən zirvəyə qayıtmağı hədəfləyir.

Texniki Heyətin Qayıdışı və Güclənməsi:

• wasiNk-in Qayıdışı: 2024-cü ilin aprelindən 2025-ci ilin iyununa qədər komandaya rəhbərlik etmiş wasiNk, baş məşqçi postuna geri qayıdıb. O, BLAST.tv Austin Major-dakı uğursuzluqdan sonra klubdan ayrılmış və son 5 ayı GenOne komandasında keçirmişdi.
• NBK- Faktoru: Fransız Counter-Strike əfsanəsi, ikiqat Major çempionu NBK- köməkçi məşqçi (assistent) kimi heyətə cəlb olunub. Onun təcrübəsinin komanda daxilində nizam-intizamı bərpa edəcəyi gözlənilir.

Oyunçu Dəyişikliyi: misutaa Gəldi, bodyy Getdi

Komanda heyətinə keçmiş Vitality oyunçusu misutaa-nı əlavə edib. O, bu il komandanın 1.05 reytinqlə ən yaxşı oyunçusu sayılan bodyy-ni əvəz edib. Qeyd edək ki, misutaa son zamanlar müxtəlif komandalar arasında keçidlər edərək stabil çıxış axtarışında idi.

Strateji Seçim: Fransız Ənənəsi Qorunur

Astralis kimi bir çox klubların bu ilin əvvəlində beynəlxalq (ingilisdilli) heyətlərə keçməsinə baxmayaraq, 3DMAX öz monomilli (fransız) strukturunu qoruyub saxlamağa qərar verib. Lakin 2026-cı ildəki nəticələr hələlik bu strategiyanın effektivliyini sual altına qoyur:

• Komandanın ən böyük uğursuzluğu BLAST Rotterdam seçmələrində təşkilatsız bir Kosovo komandasına ilk matçda uduzması olub.
• İlin əvvəlindən bəri heç bir mühüm turnirdə ciddi nəticə əldə edilməyib.

Son həftələrin ən çox müzakirə olunan transfer hadisəsi — monqol kiberidman ulduzu Senzu-nun icarə əsasında Aleksandr Zinçenkonun sahibi olduğu Passion UA klubuna keçididir. Passion UA rəhbərliyi oyunçunun transfer qiymətinin çox yüksək olduğunu, buna görə də hələlik yalnız icarə müqaviləsi ilə kifayətləndiklərini bildirmişdi.

Əvvəlcə yayılan şayiələrə görə, digər bir Ukrayna nəhəngi olan NAVI də oyunçunu almaq istəyib, lakin qiymət rəqabətində uduzub. NAVI-nin idman direktoru ami bu məlumatları təkzib etsə də, məşhur HLTV Confirmed podkastında jurnalist Striker məsələyə yeni işıq salıb.

Striker-in sözlərinə görə, NAVI həqiqətən də Senzu-nun transferi ilə bağlı The MongolZ klubuna rəsmi müraciət edib. Lakin monqol təşkilatının cavab olaraq tələb etdiyi məbləğ o qədər absurd və “kosmik” olub ki, NAVI rəhbərliyi danışıqları dərhal dayandırıb. Dəqiq rəqəmlər gizli saxlanılsa da, söhbətin dünya kiberidmanının ən parlaq ulduzlarının transfer qiymətinə bərabər olan bir məbləğdən getdiyi ehtimal olunur.

Bu vəziyyət The MongolZ-un öz ulduz oyunçusunu komandada saxlamaq və ya yalnız ağlasığmaz təkliflər qarşılığında ondan imtina etmək istədiyini göstərir.