“Hearthstone” üzrə ilin əsas kiberidman hadisəsi Kaliforniyanın Anahaym şəhərində keçirilən “BlizzCon” səhnəsinə qayıdır. “Hearthstone World Championship 2026” çərçivəsində dünyanın 16 ən güclü oyunçusu 500 000 dollar məbləğində mükafat fondu uğrunda mübarizə aparacaq; bunun 100 000 dolları çempiona nəsib olacaq.
Turnir cədvəli və yarışın formatı
Yarışlar sentyabrın 8-dən 10-dək keçiriləcək qrup mərhələsi ilə başlayacaq. Matçlar dörd dəst (deck) və bir ban ilə “Qələbə” formatında Bo5 sistemi üzrə baş tutacaq.
Ən yaxşı səkkiz kiberidmançı sentyabrın 12–13-də “BlizzCon” tamaşaçılarının canlı şahidliyi ilə keçiriləcək pley-off mərhələsinə vəsiqə qazanacaq. Pley-offun ilk günündə dörddəbir finallar, ikinci günündə isə yarımfinallar və böyük final təşkil olunacaq.
Turnirin əsas favoritləri və ulduz iştirakçıları
Turnirdə 16 oyunçu iştirak edəcək, onların arasında çoxlu ulduz adlar var:
- mlYanming — 2024-cü ilin dünya çempionu.
- Vu “XiaoT” Szüvey — 2025-ci ilin dünya çempionu.
- Kayl “McBanterFace” Şpigelman — “Grandmasters 2021 Season 2” və “Masters Tour Summer Championship 2025 (Americas)” qalibi; bu yaxınlarda “Masters Tour Summer Championship 2026″da 4-cü yeri tutub.
- Qabriel “Gaby59” Jann — “Masters Tour 2022 Ruins of Alterac” qalibi və “Masters Tour Winter Championship 2026″nın gümüş mükafatçısı.
Matçların gedişatını “Twitch” və “YouTube”dakı rəsmi yayımlardan izləmək mümkün olacaq. Strimləri izləməyə görə tamaşaçılar “Drops” sistemi vasitəsilə “Escape From Violet Hold” əlavəsinin kart dəstlərini əldə edəcəklər.
Bundan əlavə, sentyabrın 3-də “Çempionunu seç” (“Choose Your Champion”) interaktiv tədbiri start götürür; burada iştirakçıların nəticələrini dəqiq təxmin edərək əlavə kart dəstləri qazanmaq olar.
