“Stake” və “StarLadder” 2027-ci il üçün altı turnir elan etdi: İştirakçı sayı artırılır

0 comments 0 views

“Stake” və “StarLadder” 2027-ci ildə əməkdaşlığın davam etdirildiyini rəsmən elan ediblər. Növbəti il “Stake Ranked” seriyasından altı turnir keçiriləcək və onların hər birinin mükafat fondu 150 000 ABŞ dolları təşkil edəcək.

Bütün LAN-turnirlər Serbiyanın paytaxtı Belqradda baş tutacaq və “Tier-2” səviyyəli statusa malik olacaq. Yeni mövsümdə yarışların miqyası genişləndirilir: iştirakçı komandaların sayı 8-dən 12-yə yüksəldiləcək, hər bir turnirin davametmə müddəti isə dörd gündən altı günə uzadılacaq.

Digər mühüm yenilik komandalara əsas turnirə vəsiqə qazanmağa imkan verən açıq təsnifat mərhələlərinin (open qualifiers) əlavə olunmasıdır. Bununla yanaşı, VRS reytinqi üzrə birbaşa dəvətlər də qüvvədə qalacaq.

2027-ci il üçün “Stake Ranked” turnirlərinin təqvimi

  • Episode 7 — 23–28 fevral
  • Episode 8 — 30 mart – 4 aprel
  • Episode 9 — 29 iyun – 4 iyul
  • Episode 10 — 24–29 avqust
  • Episode 11 — 27 sentyabr – 2 oktyabr
  • Episode 12 — 9–14 noyabr

Seriyanın 2027-ci ildəki ilk yarışı olan “Episode 7” 23–28 fevral tarixlərində — “PGL Cluj-Napoca” çempionatının başa çatmasından dərhal sonra və “ESL Pro League Season 25” turnirinin startından əvvəl keçiriləcək.

Bunlar da xoşunuza gələ bilər

Şərh yazın