Kingdom Come: Deliverance 2 ətrafındakı qalmaqallar və “kütləvi ləğvlər” oyunun uğuruna mane olmadı. Steam məlumatlarına görə, tarixi aksiyon oyunu hazırda ən çox satılan oyunlar siyahısında birinci yeri tutur (F2P və Steam Deck nəzərə alınmadan).
Kingdom Come: Deliverance 2, Sid Meier’s Civilization 7 və Monster Hunter Wilds kimi iri layihələri, eləcə də Red Dead Redemption 2-ni geridə qoyub. Sonuncu isə bu yaxınlarda özünün onlayn oyunçu rekordunu yeniləmişdi. Warhorse-un yeni oyunu cəmi bir həftə ərzində 18 pillə irəliləyib.
Əgər şərti pulsuz oyunları da nəzərə alsaq, Kingdom Come: Deliverance 2 yalnız Counter-Strike 2-dən geri qalır. Hazırda Steam-də ən çox satılan 10 oyun bunlardır:
- Kingdom Come: Deliverance 2
- Sid Meier’s Civilization 7
- Monster Hunter Wilds
- Red Dead Redemption 2
- Marvel’s Spider-Man 2
- Path of Exile 2
- Hello Kitty Island Adventure
- Foundation
- GTA 5
- No Man’s Sky
Oyunun baş dizayneri Daniel Vávra, möhtəşəm satış göstəricilərinə artıq reaksiya verib. O, Steam səhifəsinin ekran görüntüsünü paylaşaraq sadəcə “Ups!” yazıb. Bununla, daha əvvəl yayılan öncədən sifarişlərin ləğvi barədə şayiələrə istinad edib.
Kingdom Come: Deliverance 2-yə dair tam icmallar bu gün saat 19:00-da (Moskva vaxtı ilə) yayımlanacaq. Oyunun rəsmi buraxılışı isə 4 fevralda baş tutacaq.
