T1 komandası VALORANT Masters Bangkok 2025 turnirinin böyük finalında G2 Esports ilə qarşılaşaraq 3-2 hesablı qələbə qazandı. Həlledici xəritə olan Pearl-də T1 16-14 hesabı ilə qalib gəldi. Oyunun gedişində iki dəfə əlavə vaxt (overtime) oynanıldı, bunlardan biri dördüncü xəritə Split-də baş verdi.
Turnirin Populyarlıq Rekordu
Az-eSport xəbər verir ki, 2 martda başa çatan turnir esports dünyasında böyük maraq doğurdu. Esports Charts-ın məlumatına görə, VALORANT Masters Bangkok 2025, VALORANT Masters seriyasının ən populyar beş turnirindən biri oldu və izlənmə sayına görə ikinci pilləyə yüksəldi.
Böyük finalı eyni anda 1.307.646 nəfər izləyib ki, bu da turnirin ikinci ən populyar matçı ilə müqayisədə iki dəfə çoxdur. Turnirin ən çox izlənilən üç qarşılaşması da T1-in iştirakı ilə baş verib. Xüsusilə, EDward Gaming-ə qarşı aşağı setin finalında və pley-offun ilk raundunda keçirilən matçlar böyük maraqla izlənilib.
Ən Yüksək İzlənmə Rəqəmləri
Esports Charts platforması Çin yayım platformalarını nəzərə almasa da, təşkilatçılar böyük finalı eyni anda 4,3 milyon insanın izlədiyini açıqlayıblar. Bu rəqəm VALORANT turnirləri üçün rekord göstəricilərdən biri hesab edilir.
Turnirin Təfərrüatları
VALORANT Masters Bangkok 2025 turniri 20 fevral – 2 mart tarixlərində Tailandın paytaxtı Banqkok şəhərində keçirilib. Turnirin ümumi mükafat fondu 500 min ABŞ dolları təşkil edib.
