PlayStation Studios, Arc System Works və Marvel Games yeni layihələrini təqdim etdilər – MARVEL: Tōkon Fighting Souls adlı komanda döyüş oyunu rəsmi şəkildə elan olunub.
Döyüş janrında yeni nəfəs: 4v4 sistem, sadə idarəetmə
Guilty Gear seriyası ilə tanınan Arc System Works bu dəfə Marvel kainatını döyüş meydanına gətirir. Oyunun əsas xüsusiyyətlərindən biri – 4v4 komanda döyüş sistemi – oyunçuların tək bir personajla fokuslanaraq digər qəhrəmanları yardım çağırışı kimi istifadə etməsinə imkan verir.
Tərtibatçılar qeyd edirlər ki, oyun yenilərə əlçatan, eyni zamanda rəqabətli səviyyədə dərin olacaq. Klassik kombinasiyalar qorunacaq, amma idarəetmə sistemi yeni başlayanlar üçün sadələşdiriləcək.
Təsdiqlənmiş qəhrəmanlar
İlk rəsmi rosterdə yer alacaq döyüşçülər:
- Kapitan Amerika
- Dəmir Adam
- Hörümçək Adam
- Ştorm
- Miss Marvel
- Doktor Duma
- Qorxunc Gəzən (Ghost Rider)
- Ulduz Lord (Star-Lord)
Vizual üslub: Marvel və anime bir arada
Oyunun vizual üslubu klassik komiks tərzindən uzaqlaşdırılaraq animeyə yaxınlaşdırılıb – bu, Marvel-in öz tələbi ilə həyata keçirilib. Döyüş meydançaları da sadə olmayacaq: müxtəlif zonalardan ibarət lokasiyalar arasında keçidlər mümkün olacaq.
“Sevimli qəhrəmanları və yeni oyunçular üçün cəlbedici mexanikaları birləşdirən döyüş oyunu yaratmaq istədik”, – deyə gəmeydirektor Kazuto Sekine bildirib.
Buraxılış və platformalar
MARVEL: Tōkon Fighting Souls 2026-cı ildə təqdim olunacaq. Oyun PlayStation 5, Steam və Epic Games Store platformalarında çıxacaq.
