Sony, 11 iyul gecəsi (Bakı vaxtı ilə) yalnız Ghost of Yotei oyununa həsr olunmuş xüsusi State of Play təqdimatını keçirdi. Tədbirdə oyunla bağlı ətraflı məlumat verildi və Ghost of Yotei üslubunda limitli PlayStation 5 konsolları təqdim olundu. Oyun 2 oktyabr 2025-ci ildə PlayStation 5 üçün satışa çıxacaq.

Ghost of Yotei haqqında əsas detallar:

• Oyun ronin Atsunun ailəsinin qətlinə görə qisas alması üzərində qurulub.
• Oyunçular Atsunun keçmişi və bu günü arasında keçid edə biləcək.
• Tapşırıqlar oyunçunun seçimlərinə əsasən açılacaq – dünya azad tədqiqata açıqdır.
• Tərtibatçılar, Sucker Punch oyunları arasında ən yüksək azadlıq dərəcəsi vəd edirlər.
• Silahlar: katana, uzun nizə, zəncirli kusarigama, ağır odaaçi qılıncı və cüt qılınclar.
• Döyüş sistemi klassik samuray filmlərindən ilham alıb.
• Oyunda canavar yoldaş da olacaq.
• Kurosava filmləri stilində (məsələn, “Yeddi Samuray”) ağ-qara rejim yenidən təqdim olunur.
• Əlavə vizual rejimlər:
  • Takashi Miike üslubunda (məsələn, “13 qatillər”) gücləndirilmiş effektlərlə,
  • Shinichiro Watanabe üslubunda (“Samuray Champloo”) Lo-Fi musiqi fonunda.

Ghost of Yotei üslubunda limitli PlayStation 5:

• İki dizayn mövcud olacaq: qızılı və qara.
  • Qızılı versiya dünya üzrə pərakəndə satışda,
  • Qara versiya isə yalnız PlayStation Direct üzərindən satışda olacaq.
• Hər iki versiyada ayrıca Ghost of Yotei dizaynlı DualSense gamepad təqdim olunacaq — üzərində əsas qəhrəmanın təsviri yer alır.

Qiymətlər hələ açıqlanmayıb. Satışlar 2 oktyabrda başlayacaq.

Məşhur amerikalı strimer Daren IShowSpeed Watkins 100 000 dollar mükafat fondu ilə Fortnite turniri keçirmək niyyətində olduğunu açıqlayıb.

2025-ci il iyulun 7-də keçirilən yayım zamanı IShowSpeed həmkarı – kontent istehsalçısı Nicolas “Jynxzi” Stewart ilə telefon əlaqəsi quraraq bildirdi ki, turnirdə 100 bloqer və strimer iştirak edəcək və pul mükafatı uğrunda yarışacaqlar.

Strimer əlavə edib ki, tədbir “yaxın həftələrdə” baş tutacaq. Hazırda dəqiq tarix və format açıqlanmayıb.

Ubisoft oyunçuları gözlənilməz tərəfdaşlıqlarla təəccübləndirməyə davam edir. Dünən The Division 2 oyununda Payday temalı tədbirin keçiriləcəyi məlum oldu, bu gün isə şirkət daha bir kollaborasiyanı açıqlayıb.

15 iyul tarixindən etibarən çoxnəfərlik şuter oyunu Rainbow Six Siege X ilə məşhur Borderlands franşizası arasında əməkdaşlıq başlayacaq.

Hazırda təfərrüatlar az olsa da, tərtibatçılar mövzuya uyğun kosmetik əşyaların təqdim olunacağını bildiriblər. Bu əməkdaşlığın, çox güman ki, 12 sentyabrda çıxacaq Borderlands 4 oyununun təqdimatına həsr olunduğu ehtimal edilir.

Tokyo Game Show oyun festivalının təşkilatçıları rəsmi saytlarını istifadəyə verərək, 2025-ci il üçün tədbirin keçirilmə tarixi, məkanı və iştirakçı şirkətlərin siyahısını dərc ediblər.

TGS 2025 sentyabrın 25-dən 28-dək Yaponiyanın Tokio şəhərində yerləşən Makuhari Messe sərgi mərkəzində baş tutacaq. Festivalda 772 şirkət iştirak edəcək və öz oyunları üzrə yenilikləri təqdim edəcəklər. TGS 2025-də iştirak edəcək əsas şirkətlər arasında Sony Interactive Entertainment, Arc System Works, Bandai Namco, Annapurna Interactive, Capcom, Konami, Riot Games, SEGA, Koei Tecmo, Nintendo və başqaları yer alır.

Tokyo Game Show ilin ən məşhur oyun təqdimatlarından biridir. Ötən il, TGS 2024 çərçivəsində “Indiana Jones and the Great Circle” oyunu ilk dəfə ictimaiyyətə nümayiş etdirilmişdi.