“Counter-Strike 2” rəsmi buraxılışından üç il keçməsini qeyd edir. Oyun bir neçə aylıq qapalı test mərhələsindən sonra 27 sentyabr 2023-cü ildə rəsmi olaraq “Steam” platformasında işıq üzü görmüş və “Counter-Strike: Global Offensive”i (CS:GO) tamamilə əvəzləmişdi.
“Source 2″yə keçid və 3 illik inkişaf
“Source 2” mühərrikinə keçidlə yanaşı, şuter yenilənmiş xəritələr, tamamilə yenidən işlənmiş dinamik tüstü mexanikası və yeni reytinqli “Premier” rejimini əldə etdi. “CS:GO” sonradan “Steam”ə ayrı bir versiya kimi qayıtsa da, “Valve” tərəfindən tam rəsmi dəstəyə sahib deyil.
Ötən üç il ərzində “Counter-Strike 2” ən böyük kiberidman turnirlərinin əsas intizamı kimi mövqeyini tam möhkəmləndirib. Tərtibatçılar xəritələr, matçmeykinq (matchmaking) və digər geympley elementləri üzərində işləyərək oyunu mütəmadi olaraq yeniləməyə davam edirlər.
“Steam Charts” analitik platformasının məlumatlarına görə, avqust ayında “CS2″nin pik onlayn göstəricisi 1 331 274 oyunçu təşkil edib, orta gündəlik istifadəçi sayı isə 853 232 nəfər olub.
