“Blizzard” şirkəti Overwatch x Hatred’s Reckoning adlı tematik krossoverin başladığını elan etdi. Aprelin 28-dən mayın 18-dək davam edəcək bu hadisə Diablo kainatından ilhamlanaraq oyuna yeni kosmetik əşyalar, klassik görünüşlərin qayıdışını və yenilənmiş mükafat sistemini gətirir.
Yenilənmənin mərkəzində Overwatch qəhrəmanlarını Diablo seriyasının ikonik siniflərinə və personajlarına çevirən beş yeni əfsanəvi görünüş dayanır:
- Ramattra (Mefisto): Nifrət Lordunun rəhmsiz obrazı.
- Brigitte (Paladin): İşıq və inamla döyünən polad zirehlər.
- Freya (Rogue – Quldur): Gizlilik və dəqiqliyə yönəlmiş dizayn.
- Lifeweaver (Warlock – Cadugər): Qara sehr və fədakarlıq mövzusu.
- Mauga (Druid): Təbii qəzəbin və vəhşi güclərin vizuallaşdırılması.
Bu əşyaları həm tək-tək, həm də tematik dəst şəklində oyun mağazasından əldə etmək mümkündür.
Klassiklərin Qayıdışı
Əvvəlki krossoverlərdən yadda qalan və oyunçular tərəfindən çox sevilən dörd əfsanəvi görünüş yenidən mağazada əlçatandır:
- Pharah (İnarius)
- Moira (Lilit)
- Reinhardt (İmperius)
- Sombra (Gilded Hunter – Qızıl Ovçu)
Tapşırıqlar və Twitch Drops
Hadisə zamanı oyunçular orijinal krossoverin bərpa edilmiş sınaqlarında iştirak edə bilərlər. Tapşırıqları yerinə yetirərək həm əvvəlki mükafatları, həm də yeni Skovos silah talismanını (weapon charm) qazanmaq olar.
Bundan əlavə, Twitch Drops aksiyası (14 aprel – 10 may) vasitəsilə izləyicilərə xüsusi hədiyyələr verilir:
- 1 saat izləmə: “Wolf Pup” (Canavar balası) silah talismanı.
- 2 saat izləmə: “Sword” (Qılınc) silah talismanı.
Qeyd: Mükafatları qazanmaq üçün Battle.net hesabınızın Twitch platformasına bağlı olduğundan əmin olun.
