13
Kanadanın Toronto şəhərində keçirilən VALORANT Masters Toronto 2025 turnirində qrup mərhələsinin ikinci raund oyunları yekunlaşıb. Gərgin qarşılaşmalarda Wolves Esports komandası Team Heretics üzərində, Team Liquid isə MIBR üzərində qələbə qazanaraq pley-off mərhələsinə vəsiqə qazanıblar.
Məğlub olan komandalar – Team Heretics və MIBR – yarışla vidalaşaraq 11-12-ci yerləri bölüşdürdülər. Onlar mükafat fondundan 15 min ABŞ dolları əldə ediblər.
Qeyd edək ki, ümumi 1 milyon dollar mükafat fondu olan turnir 2025-ci ilin ən önəmli VALORANT tədbirlərindən biri hesab olunur.
Növbəti – üçüncü raund oyunları 11 iyun tarixində Bakı vaxtı ilə saat 20:00-da start götürəcək.
