Yeni komandasının heyətində keçirdiyi ilk turnir Oldrjıx «PR» Novı üçün zəfərlə başa çatsa da, təntənəli şəkildə kubokun qaldırılması anında gülməli və eyni zamanda ağrılı bir kuryoz baş verib. Emosiyalara qapılan kiberidmançı ağır mükafatı tarazlıqda saxlaya bilməyərək onu birbaşa öz üzərinə salıb.
Uğursuz hərəkət nəticəsində oyunçu gicgah və boyun nahiyəsində nəzərəçarpan cızıqlar alıb.
PR sosial şəbəkə hesabında yaşananları özünə yumorla şərh edib:
“Komanda ilə ilk turnir, ilk qələbə, özümü əla hiss edirəm, dəstək üçün hər kəsə təşəkkür edirəm. Bir də ki, kubokları qaldırmağı bir az məşq etməliyəm…”
Nigar Məmmədova — az-esports.com kibersport xəbər saytının jurnalisti və redaktorudur. Videooyunlar, turnirlər və kibersport sənayesi ilə bağlı xəbərlərə ixtisaslaşıb, həm Azərbaycanda, həm də beynəlxalq səviyyədə. Geymer mədəniyyəti və müasir rəqəmsal trendlərlə maraqlanır. Kibersportun yeni nəsillərin gələcəyi olduğuna inanır.
