Turnirin qrand-finalında “Astralis” “Nemiga” komandasını 3:1 hesabı ilə məğlub edib. “Astralis” “Mirage” (13:6), “Nuke” (13:5) və “Cache” (13:7) xəritələrində qələbə qazanıb, lakin “Ancient” xəritəsində rəqibinə güzəştə gedib (10:13). Final matçının ən yaxşı oyunçusu görüşü 1.41 reytinqlə başa vuran Viktor “Staehr” Şter olub.
Aşağı tor üzrə çempionluq yolu
“Astralis”in çempionluq yolu turnirin ilk matçında “Alliance” kollektivinə məğlubiyyətlə (1:2) başlayıb. Bundan sonra Avropa heyəti aşağı tor üzrə irəliləyərək ardıcıl olaraq “FaZe” (2:1), “BIG” (2:1), “fnatic” (2:0) və “Luminosity” (2:1) komandalarını yarışdan kənarlaşdırıb.
Bu qələbə “Astralis” təşkilatı üçün “BLAST Pro Series Global Final 2019” turnirindən bəri qazanılan ilk LAN titulu olub. Uğurlu çıxış sayəsində Danimarka təmsilçisi iyun ayından bəri ilk dəfə dünya reytinqində yenidən top-10 sırasına qayıdıb.
