Kiberidman təşkilatı G2 Esports, 90-cı illərin vintaj üslubunda yeni kolleksiya ilə merç satışına başlayıb. Klub, Counter-Strike 2 heyətinin hər bir üzvünün təsviri olan köynəklər hazırlayıb və hər bir köynəyin qiyməti €25 olaraq müəyyən edilib. Yeni kolleksiya G2 Esports-un rəsmi X səhifəsində elan edilib.
Hər bir oyunçuya özəl təsvirlər də verilib. İlya “m0NESY” Osipovun köynəyi haqqında “Onun kimi ata bilməzsiniz, amma üzünü üzərinizdə daşıya bilərsiniz” ifadəsi işlədilib. Nikola “NiKo” Kovaçın merçi üçün isə G2 zarafatla “Bu köynəyi aldıqdan sonra heç bir masa təhlükəsiz olmayacaq” deyə əlavə edib.
G2 Esports daha öncə də Perfect World Shanghai Major 2024 üçün xüsusi dizaynda forma təqdim etmişdi. Bu forma, təşkilatın League of Legends heyətinin 2024 Dünya Çempionatında istifadə etdiyi ağ rəngli, üzərində G2 Esports loqosu olan dizayna malikdir.
