Bandai Namco şirkəti bu il keçiriləcək Tekken World Tour 2025 turnirlərinin tam siyahısını dərc edib. Mövsüm 4 fərqli kateqoriya üzrə turnirlərdən ibarət olacaq: Master+, Master, Challenger və Dojo. Bu kateqoriyaların hər biri oyunçulara fərqli miqdarda reytinq xalları qazandıracaq və final mərhələyə gedən yolda mühüm rol oynayacaq.
Master+ kateqoriyalı turnirlər
Bu turnirlər TWT-də ən yüksək statusa malik yarışlardır. 2025-ci ildə üç böyük EVO tədbiri bu kateqoriyaya daxil olacaq:
- EVO Japan 2025 – Tokio, Yaponiya (8–11 may)
- EVO Las Vegas 2025 – Las-Veqas, ABŞ (1–3 avqust)
- EVO France 2025 – Nitsa, Fransa (10–12 oktyabr)
Master kateqoriyalı turnirlər
Bu mərhələyə 9 beynəlxalq tədbir daxildir:
- Combo Breaker 2025 – Şaumburq, ABŞ (21–24 may)
- Battle Arena Melbourne 15 – Melburn, Avstraliya (31 may – 1 iyun)
- CEO 2025 – Orlando, ABŞ (13–15 iyun)
- The MIXUP 2025 – Lion, Fransa (5–6 iyul)
- Punishment 4 – Boliviya (20–21 sentyabr)
- Paradise Game Battle – Kot-d’İvuar (18–19 oktyabr)
- SOOP Super Arena – Koreya (1–2 noyabr)
- Clash of the Olympians 2025 – Yunanıstan (15–16 noyabr)
- Thaiger Uppercut 2025 – Tailand (29–30 noyabr)
Challenger turnirləri
Bu kateqoriyaya 21 turnir daxildir. Adətən Challenger turnirləri regional səviyyədə keçirilir və oyunçular üçün vacib xallar təqdim edir.
Dojo turnirləri
Dojo kateqoriyasında isə istənilən təşkilatçı turnir keçirmək üçün müraciət edə bilər. Bandai Namco həmin tədbirin rəsmi olaraq TWT xalları üçün uyğun olub-olmadığını qiymətləndirəcək. Dojo turnirləri üçün qeydiyyat 15 aprel tarixində başlayıb.
Mövsüm nə vaxt başlayır və bitir?
Tekken World Tour 2025 rəsmi olaraq 9 may tarixində start götürəcək və final mərhələsi gələn il keçiriləcək. Final turnirinin dəqiq tarixi isə EVO Las Vegas 2025 tədbirinin son günü açıqlanacaq.
